अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीको स्वास्थ्य अवस्था सुधारोन्मुख देखिएको अस्पताल श्रोतले जनाएको छ ।

प्रधानमन्त्री ओलीको स्वास्थ्य अवस्थाबारे जानकारी दिन बिहीबार त्रिवि शिक्षण अस्पतालमा आयोजित पत्रकार सम्मेलनमा अस्पतालका कार्यकारी निर्देशक प्रा.डा. प्रेम कृष्ण खड्गाले प्रत्यारोपित मिर्गौला सामान्य कार्यान्मुख रहेको जानकारी दिएका छन् ।

प्रधानमन्त्रीको सबै परिक्षण गरिएका स्वास्थ्य सम्बन्धी महत्वपूर्ण सूचकहरु सामान्य अवस्थामा रहेको र आजदेखि तरल पदार्थ तथा नरम खाना खुवाउन शुरु गरिएको जानकारी दिए ।

त्यस्तै मृगौलादाता समिक्षा संग्रौलाको पनि स्वास्थ्य स्थिति स्थिर रहेको र उनलाई पनि आजदेखि तरल पदार्थ तथा नरम खाना खुवाउन शुरु गरिएको प्रा.डा. खड्गाले जानकारी दिएका छन् ।