अखबार नेपाल ट्रेन्डिङ

काठमाडौं: बुधबार ताप्लेजुङमा भएको हेलिकोप्टर दुर्घटनामा ज्यान गुमाएका मन्त्री रविन्द्र अधिकारीसहित सातै जनाको पार्थिव शरीर अहिले श्रद्धाञ्जटलीका लागि काठमाडौंको टुँडीखेलमा राखिएको छ ।

राष्ट्रपति विद्यादेवी भण्डारीले टुँडिखेल पुगेर सबैलाई श्रद्धाञ्जाली अर्पण गरिन। प्रधानमन्त्री तथा नेकपाका अध्यक्ष केपी शर्मा ओली राष्ट्रिय झण्डा ओढाएर सम्मान गरे । नेकपा अध्यक्ष अर्का अध्यक्ष पुष्पकमल दाहाल प्रचण्डले मन्त्री अधिकारीलाई पार्टीको झण्डा ओढाए ।

कार्यक्रममा विभिन्न उच्चपदस्त व्यक्ति, प्रतिपक्ष दल नेपाली कांग्रेस र विभिन्न दलका नेताहरु, नेकपाका नेता कार्यकर्ता, सर्वसाधारण लगायतले श्रद्धाञ्जंली अर्पण गरिरहेका छन् । श्रद्धाञ्जनली कार्यक्रम बिहीबार दिउँसो नै गर्ने तय भएपनि शवको पोस्टमार्फटम नसकिएकाले शुक्रबार बिहानका लागि सारिएको हो ।

दुर्घटनामा जलेका कारण शव पहिचान गर्न कठिनन परेको थियो । त्रिवि शिक्षण अस्पतालमा बिहीबार राति सवा १ बजे सातैवटा शवको पहिचान गरिएपछि शुक्रबार बिहान आफन्तलाई बुझाइएको थियो । ११ बजेसम्म श्रद्धाञ्जतलीका लागि राखेपछि मन्त्री अधिकारीको शव अन्तिम संस्कारका लागि गृहनगर पोखरा पठाउने तयारी गरिएको छ ।