अखबार नेपाल ट्रेन्डिङ

काठमाडौं: राष्ट्रियसभाका अध्यक्ष गणेशप्रसाद तिमिल्सिनासहित ६ वर्ष कार्यकाल तय भएका २० जना सांसदको पदावधि आजदेखि सकिँदैछ । उनीहरूमध्ये १९ जना निर्वाचित हुन् भने विमला राई पौड्याल राष्ट्रपतिबाट मनोनीत भएकी थिइन् । पदावधि सकिन लागेका सांसदमा एमालेबाट राष्ट्रियसभा अध्यक्ष गणेशप्रसाद तिमिल्सिना सहित ९ जना छन् । पदावधि सकिनेमा एमालेका ९ जना, कांग्रेसका ४, माओवादी केन्द्रका ३, एकीकृत समाजवादीका २, जसपाको एक र स्वतन्त्र एक जना सांसद छन् ।

यी हुन् पदावधि सकिने सांसदहरुः

एमालेबाटः गणेशप्रसाद तिमिल्सिना, इन्दु कडरिया, दीपा गुरुङ, दीलकुमारी रावल थापा, कुमार दसौंदी, नरपति लुवार, भैरवकुमार श्रेष्ठ, रामचन्द्र राई र विमला राई पौड्याल (मनोनित) नेपाली कांग्रेसबाटः रमेशजंग रायमाझी, जितेन्द्रनारायण देव, प्रकाश पन्थ र अनिता देवकोटा नेकपा (माओवादी केन्द्र): विना पोखरेल, महेशकुमार महरा, हरिराम चौधरी नेकपा (एकीकृत समाजवादी): नन्दा चापागाईं र सिंगबहादुर विश्वकर्मा जनता समाजवादी पार्टी (जसपा): प्रमिला कुमारी स्वतन्त्र सांसद: खिमलाल देवकोटा

रिक्त १९ पदपूर्तिका लागि गत माघ ११ गते राष्ट्रिय सभा निर्वाचन भएको थियो । नवनिर्वाचित सांसदहरुको सोमबार शपथ कार्यक्रम राखिएको छ । फागुन २१ गतेबाट नेपाली कांग्रेसबाट कृष्णप्रसाद सिटौला, आनन्दप्रसाद ढुङ्गाना, विष्णुकुमारी पुडासैनी, जितजंग बस्नेत, पदमबहादुर परियार, किरणबाबु श्रेष्ठ, विष्णुकुमारी सापकोटा, कृष्णबहादुर रोकाया, बलदेव बोहरा र नारायणदत्त भट्ट गरी १० जना सांसद राष्ट्रिय सभामा जाँदैछन् ।

त्यसैगरी माओवादी केन्द्रबाट श्रीकृष्ण अधिकारी, मनरुपा शर्मा, झक्कु सुवेदी, विष्णुबहादुर विश्वकर्मा र रेणु चन्द, नेकपा एकीकृत समाजवादीबाट घनश्याम रिजाल, सावित्री मल्ल सांसद बन्दैछन् । नेकपा एमालेबाट रुक्मिनी कोइराला र जनता समाजवादी पार्टीबाट पूजा चौधरी राष्ट्रिय सभाको सपथ ग्रहण गर्दैछन् । १८ जना वर्तमान सत्ता गठबन्धनका उम्मेदवार विजयी भएका थिए भने एमाले उम्मेदवार गठबन्धनका उम्मेदवारलाई पराजित गर्दै कोशीबाट निर्वाचित भएकी थिइन् ।