अखबार नेपाल ट्रेन्डिङ

काठमाडौं: आज श्रावण शुक्ल पञ्चमी अर्थात नाग पञ्चमी हिन्दु धर्मावलम्बीहरुले घर घरमा नागको फोटो टाँसेर पुजा गरि मनाइरहेका छन् । नाग पञ्चमीङका दिन नाग वा सर्पको पूजा गर्ने गरिन्छ ।

आजको दिन बिहानै उठी स्नान गरी दिप , कलश, गणेशको पूजा गरि गोवरको नाग बनाई नागको चित्रमा दहि, दूबो, कुश, सिन्दुर, चन्दन आदिले पूजा गरि ढोकामा टाँस्नाले सर्प वा नागको भए हुँदैन भन्ने धार्मिक मान्यता रहेको छ ।

नाग जस्तै अनन्त, वासुकि, पद्म, महापद्म, तक्षक, कुलि, कर्कट, शंखनाग, शेषनाग आदिको चित्र टाँस्ने परम्परा रहेको छ । यसरि बिभिन्न नागको चित्र घरमा टास्नाले चट्याङले नहान्ने, आगो तथा सर्पको भए नहुने धार्मिक जनविश्वास रहेको छ । स्कन्द पुराण अनुशार आज नागको पुजा गर्नाले मनोकामना पुरा हुने विश्वास समेत रहेको छ ।

श्रावण शुक्ल पंचमि तिथिका दिनबाट वर्षायाम समाप्त भई हिउँद शुरु भएको मानिन्छ । ज्योतिष शाष्त्रीय मान्यता अनुशार आजको दिन कुनै शुभ तथा मांगलिक कार्य गर्न साईत हेर्नु पर्दैन भन्ने बिश्वास रहदै आएको छ । नाग पंचमिको दिन हिन्दु धर्मावलम्बिहरुले दिनभर व्रत गरि सूर्यास्त भए पछि नाग देवताको मुर्तिमा बिभिन्न सामानहरु जस्तै फुल, प्रसाद तथा फलले पुजा आजा गरि प्रसाद बाढ्ने तथा आफुले पनि लिने गर्दछन् । हिन्दु धर्म अन्तर्गत आजबाट चाडवाड सुरु हुने गर्दछन् ।