अखबार नेपाल ट्रेन्डिङ

काठमाडौं: नेकपा माओवादी केन्द्रका अध्यक्ष पुष्पकमल दाहाल प्रचण्डको पक्षमा दोस्रो ठूलो दल नेकपा एमालेसहित १६६ जना सांसदको समर्थन जुटेको छ ।

नेकपा एमालेका अध्यक्ष केपी शर्मा ओलीको बालकोटस्थित निवासमा भएको चार घण्टा लामो वार्तापछि यस्तो सहमति जुटेको हो ।

नेकपा एमाले,  माओवादी केन्द्र, राष्ट्रिय स्वतन्त्र पार्टी, राष्ट्रिय प्रजान्त्र पार्टी, जनता समाजवादी पार्टी, जनमत पार्टी र नागरिक उन्मुक्तिसहितका १६६ सांसदले प्रधानमन्त्रीका लागि प्रचण्डलाई समर्थन गरेको हो ।

राष्ट्रपतिले दिएको समयमै संविधानको धारा ७६ उपाधारा २ अन्तर्गतको सरकार बन्ने भएको छ । प्रचण्डको नेतृत्वमा उपाधरा अन्तर्गत २ भन्दा धेरै दलको समर्थनको सरकार बनाउन दाबी प्रस्तुत गर्ने सहमति जुटेको छ ।