अखबार नेपाल ट्रेन्डिङ

काठमाडौं: राष्ट्रिय भूमि आयोगले सुकुम्बासीबस्तीको टहरा नभत्काउन काठमाडौं महानगरपालिकालाई निर्देशन गरेको छ ।

आयोगले एक सूचना प्रकाशित गर्दै आयोगले तत्पश्चात् लगत सङ्कलन, प्रमाणीकरण, निस्सा वितरण, जग्गा नाप जाँच र लालपुर्जा वितरण कार्य सम्पन्न नभएसम्मका लागि महानगरपालिका सहित सम्पूर्ण स्थानीय तहहरू र सबै सरकारी तथा गैर सरकारी निकायहरूलाई सुकुम्वासी बस्ती नहटाउन भनेको हो ।

सुकुम्वासी तथा भूमिहीनको लगत सङ्कलन, प्रमाणीकरण, निस्सा वितरण, जग्गा नाप जाँच र लालपुर्जा वितरण लगायतका कामहरू निर्वाचन आचार संहिताको कारण स्थगित भएको भए पनि अब तत्काल सुरु गरिने पनि आयोगले जनाएको छ ।

भूमिहीन सुकुम्वासी र अव्यवस्थित बसोबासहरूका बस्ती हटाउने तथा असुरक्षित हुने गरी कुनै पनि कार्य नगर्न स्थानीय तहलाई निर्देशन दिएको हो ।