एकीकृत समाजवादीको चुनावी घोषणापत्र भोलि सार्वजनिक हुँदै
वि.सं.२०७९ कात्तिक १३ आइतवार १७:१६
काठमाडौं: एकीकृत समाजवादीले सोमबार चुनावी घोषणापत्र सार्वजनिक गर्ने भएको छ । पार्टी केन्द्रीय कार्यालय आलोक नगरमा सोमबार दिउँसो १ बजे घोषणापत्र सार्वजनिक गरिने बताईएको छ ।
नेकपा एसले ‘राष्ट्रिय स्वाभिमान, संविधानको रक्षा र स्थिरता हाम्रो सरोकार, आर्थिक सामाजिक रूपान्तरण समृद्धि समाजवादको आधार’ नारा तय गरेको छ ।
पार्टीको घोषणापत्र मस्यौदा समितिमा रहेका एक सदस्यका अनुसार नीतिगत प्रतिबद्धतामा संविधान र व्यवस्थाको रक्षा तथा हालको निर्वाचन प्रणाली परिवर्तनमा जोड दिएको छ ।
समाजवादीले आफ्नो घोषणापत्रमा शासकीय स्वरूपबारे पनि केही बोलेको छैन । जबकि सत्ता सहयात्री नेकपा माओवादीले भने निर्वाचन प्रणाली र शासकीय स्वरूप नै परिवर्तन गर्नुपर्ने आफ्नो घोषणापत्रमा समेट्ने बताउँदै आएको छ ।
वि.सं.२०७९ कात्तिक १३ आइतवार १७:१६