अखबार नेपाल ट्रेन्डिङ

काठमाडौ: नेकपा माओवादी केन्द्रका प्रभावशाली नेता वर्षमान पुन (अनन्त)लाई चुनावमा हराउन उनकै सहयात्री पूर्णबहादुर मगर उर्फ विमर्शलाई अगाडि सारिएको छ ।

नेकपा एमालेले प्रभावशाली नेता वर्षमानलाई हराउनका लागि विमर्शलाई अगाडि सारेको हो ।

आगामी मंसिर ४ गते हुने प्रतिनिधिसभाको निर्वाचनतर्फ एमालेले विमर्शलाई अगाडी सारेपछि रोल्पाको चुनावी माहौल अहिले झन बढी तताईरहेको छ ।

नेकपा एमाले रोल्पाले विमर्शलाई अनन्तलाई काउन्टर दिनकै लागि एकल नाम सिफारिस गरिएको चर्चा अहिले राजनीतिक वृत्तमा चल्न थालेको छ ।

कुनै समय उनीहरु माओवादी युद्धकालिन अवस्थामा सँगै जनयुद्ध लडेका थिए । अहिले आएर एकअर्काका प्रतिस्पर्धी भएका छन् ।

जनयुद्धकालमा नेता विमर्श जनमुक्ति सेनाको बटालियन कमाण्डर हुँदा उनै अनन्त माथिल्लो तहको कमाण्डर भएको पूर्व जनमुक्ति सेनाका सदस्यहरूको भनाइ छ ।

नेकपा विभाजनपछि रामबहादुर थापा ‘बादल’को समर्थनमा रहेका उनी एमाले लुम्बिनी प्रदेश कमिटी सदस्य पनि छन् ।