अखबार नेपाल ट्रेन्डिङ

तम्घास: नेकपा एकीकृत समाजवादीका सम्मानित नेता झलनाथ खनालले नेकपा माओवादी केन्द्रसँग तत्काल एकता नहुने बताएका छन् ।

उनले वामपन्थी एकता आवश्यक भए पनि माओवादी पार्टीसँग एकता हुने कुरा सम्भव नभएको बताएका हुन् ।

समाजवादी प्रेस संगठन नेपालले गुल्मीको तम्घासमा आज आयोजना गरेको पत्रकार भेटघाट कार्यक्रममा नेता खनालले यस्तो बताएका हुन् ।

अहिले निर्वाचनको तयारीमा लाग्नुपर्ने भएकाले कुनै दलहरुसँग एकीकरणको सम्भावना नभएको खनालले बताए । संविधानको रक्षा गर्न पाँचदलीय गठबन्धन आवश्यक भएको उनको दाबी थियो । नेतृत्वको दम्भ र अहंकारले गर्दा अहिलेको अवस्था आएको भन्दै खनालले गठबन्धनले संविधानको रक्षा गरेको दाबी गरे ।

जनताले वामपन्थीहरुलाई झण्डै दुईतिहाइको मत दिएको भन्दै नेता खनालले नेतृत्वले सही व्यवस्थापन गर्न नसकेकाले पार्टी विघटन र गठबन्धन आवश्यक रहेको समेत बताए ।

तपाईं राष्ट्रपति हुने चर्चा के हो भन्ने पत्रकारको जिज्ञासामा खनालले अहिले यो वा त्यो पदभन्दा पनि पार्टीको निर्णय र आवश्यकताको आधारमा हुने बताउँदै ‘पहिले निर्वाचनलाई सफल बनाउने पदका कुरा पछाडि हुने बताए ।

प्रदेश र संघको निर्वाचनको लागि गठबन्धनमा सीट बाँडफाँटको विषयलाई लिएर फाँटो आउँछ कि भन्ने प्रश्नमा खनालले समस्या नहुने दावी गरे । सीट मिलानका लागि कार्यदलले काम गरिहेको भन्दै उनले कार्यदलको छलफलपश्चात शीर्ष नेतृत्वबाट मिलान हुने भएकाले सम्मस्या नहुने तर्क दिए ।

‘