अखबार नेपाल ट्रेन्डिङ

काठमाडौं: आगामी मंसिर ४ गतेका लागि तय भएको प्रतिनिधि र प्रदेशसभा सदस्य निर्वाचनका लागि ७६ राजनीतिक दल दर्ता भएका छन् ।

आज साँझ ५ बजेसम्म दर्ता भएका राजनीतिक दलको संख्या ७६ पुगेको निर्वाचन आयोगले जनाएको हो । आयोगका सूचना अधिकारीसमेत रहेका उपसचिव सूर्यप्रसाद शर्माले भने, ‘केहि समय अघिसम्म दल दर्ता हुनेको संख्या ७६ पुगेको थियो । यो प्रारम्भिक तथ्याङ्क हो । केहि संख्या तल माथि पनि हुनसक्छ । अहिले एक छिनमा अन्तिम सूची आउँछ ।’

निर्वाचन आयोगमा साउन २० गतेसम्म १ सय १६ राजनीतिक दल दर्ता भएको भए पनि आगामी निर्वाचनमा सहभागी हुने प्रयोजनका लागि भने ७६ राजनीतिक दल मात्रै दर्ता भएका हुन् ।