अखबार नेपाल ट्रेन्डिङ

काठमाडौं: विश्व फुटबल महासंघ फिफाले प्रतिबन्ध लगाएसँगै छैटौं संस्करणको साफ महिला च्याम्पियनसिप फुटबलमा साविक विजेता भारत सहभागी नहुने भएको छ  ।

महिला साफ यहि भदौं २९ देखि असोज ३ सम्म काठमाडौंमा हुँदैछ । फिफाले दुई महिनाअघि पाकिस्तानमाथिको प्रतिबन्ध फुकुवा गरेसँगै लामो समयपछि साफका सातै टिमको सहभागितामा प्रतियोगिता हुन लागेको थियो ।

सन् २०१० देखि सुरु भएको महिला क्षेत्रीय प्रतियोगिता अहिलेसम्म भारतबाहेक अन्य देशले जित्न सकेका छैनन् । पाँचमध्ये चारपटक फाइनलमा उसले नेपाललाई पराजित गरेको थियो ।

२०७५ चैतमा विराटनगरमा साफ महिला च्याम्पियनसिपको पाँचौं संस्करण फाइनलमा भारतले नेपाललाई ३-१ गोलले हराउँदै उपाधि जितेको थियो ।

योसँगै भारतले आगामी अक्टोबरमा आयोजना गर्न लागेको यू-१७ महिला विश्वकप फुटबल पनि अर्को देशमा सारिने निश्चित भएको छ ।