अखबार नेपाल ट्रेन्डिङ

काठमाडौ : रोल्पाको त्रिवेणी गाउँपालिका–७ अँधेरीखोलामा माओवादी कार्यकर्ताहरूले घर बिदामा जाँदै गरेका प्रहरी हवल्दारमाथि सांघातिक हमला गरेका छन् ।

प्यूठानबाट बुटवल सरूवाको रमना लिएर हिजो साँझ घर जाँदै गरेका सोही वडाका प्रहरी हवल्दार रामबहादुर बाँठालाई खिम बाबुराजा डीसी, चन्द्रज्योति डीसीलगायतले आक्रमण गरेको पीडितको भनाइ छ ।

आक्रमणकारीहरु लुम्बिनी प्रदेशका मुख्यमन्त्री कुलप्रसाद केसी निकट मानिन्छन् । झण्डै एक दर्जनको समूहले आक्रमण गर्दा पीडितको टाउको र शरीरमा चोट लागेको छ ।

उक्त घटनामा दार्बोट प्रहरी चौकीका हवल्दारको पनि संलग्नता रहेको बताइएको छ । दार्बोट प्रहरी चौकीका हवल्दार साइकुमार चौधरीको संलग्नता रहेको बताइएको छ ।

घटनाको योजना बनाउनेदेखि घटनास्थल नजिकै पुगेर आक्रमणकारीहरूलाई अटो रिक्सामा ओसारपसार गर्ने कार्यमा हवल्दार चौधरी सहभागी रहेको बताईएको छ । घटना पश्चात् चौधरीले पीडितलाई दार्बोट चौकीमा राखेर मोबाइल र मोटरसाइकलको साँचो जफत गरेका छन् । उनलाई दुई घण्टासम्म चौकीमा थुनेर दुव्र्यवहार गरिएको पीडितको भनाइ छ ।

‘उहाँले मलाई उल्टै दोषी देखाउन जिल्ला प्रहरी कार्यालयमा गलत रिपोर्ट गर्नुभएको थियो,’ पीडितले भने, ‘तर अहिले चेक गर्दा उहाँले मादक पर्दार्थ सेवन गरेको देखियो मलाई देखिएन् ।’ बाँठाले भने ।

ज्यान मार्ने उद्देश्यले आक्रमण भएकोले ज्यान मार्ने उद्योग अन्तर्गतकै जाहेरी दिने पीडितको भनाइ छ । पीडितले बुधबार जिल्ला प्रहरी कार्यालयमा जाहेरी दर्ताका लागि तयारी भइरहेको बताईएका छ ।