अखबार नेपाल ट्रेन्डिङ

काठमाडौं: आफुलाई आइजीपी नबनाएको भन्दै सर्बोच्च अदालतमा मुद्दा गरेका नेपाल प्रहरीका अतिरिक्त महानिरीक्षक (एआईजी) विश्वराज पोखरेलले अन्ततः राजीनामा दिएका छन् ।

पोखरेलले सोमबार नेपाल प्रहरीको मानव स्रोत विभागमा आफैं उपस्थित भएर राजीनामा दिएका प्रहरी प्रधान कार्यालय स्रोतले जानकारी दिएको छ ।

पहिले निबेदन मात्र पठाउन खोजेका पोखरेल आइजिपी धिरजप्रताप सिंहले आफै उपस्थिति भएर राजिनामा नदिए प्रक्रिया अघि नबढाउने संकेत गरेपछि आफैले राजिनामा दिएका हुन ।

धिराजप्रताप सिंहलाई प्रहरी महानिरीक्षक नियुक्त गर्ने सरकारको निर्णयविरुद्ध पोखरेलले सर्वोच्च अदालतमा हालेका थिए । गत शुक्रबार सर्वोच्च अदालतले आफ्नो पक्षमा फैसला नदिएपछि पोखरेलले राजीनामा दिएका हुन् ।

यसैबीच सरकारले चार जना सचिवको सरुवा गरेको छ । शुक्रबार बसेको मन्त्रिपरिषद् बैठकले विभिन्न मन्त्रालयमा कार्यरत सचिवहरूको सरुवा गरेको हो ।

शिक्षा, विज्ञान तथा प्रविधि मन्त्रालयका सचिव यादव प्रसाद कोइरालाको प्रधानमन्त्री तथा मन्त्रिपरिषद्को कार्यालयमा सरुवा गरेको छ भने त्यहाँ उपराष्ट्रपतिको कार्यालयका रामकृष्ण सुवेदीलाई ल्याइएको भने कर्णाली प्रदेश सचिव राजकुमार श्रेष्ठको लोक सेवा आयोग र कर्णालीमा डा. गोपी खनाललाई पठाइएको स्रोतले दाबी गरेको छ ।