अखबार नेपाल ट्रेन्डिङ

काठमाडौं: एपीवान टेलिभिजनका पत्रकार मनोज जोशी बिशेष नागरिक सम्मान २०७९ बाट सम्मानित भएका छन् ।

राष्ट्रिय प्रज्ञा प्रतिष्ठान कमलादीमा आयोजना गरिएको कार्यक्रममा सामाजिक रूपान्तरणका लागि  नागरिक समाजाको १६औं वार्षिकोउत्सव कार्यक्रममा स्वास्थ्य तथा जनसंख्यामन्त्री भवानी प्रसाद खापुङले पत्रकार जोशीलाई बिशेष नागरिक सम्मान २०७९ बाट सम्मानित गरिएको हो ।

पत्रकारिताको क्षेत्रबाट समाजमा प्रत्यक्ष परोक्ष रुपमा पुर्याएको योगदानको कदर स्वरुप टेलिभिजन पत्रकार जोशीलाई सम्मान गरिएको हो ।

दुई दशक लामो समयदेखि पत्रकारिता क्षेत्रमा लागेका जोशी पत्रकारितासँगै सामाजिक कार्यमा पनि सक्रिय छन् ।

कार्यक्रममा स्वास्थ्यमन्त्री खापुङले सामाजिक रुपान्तरणलाई उपयुक्त दिशानिर्देश गरी समाजलाई प्रगतिशील बनाउन सञ्चार जगत लगायत अन्य सबैको महत्वपूर्ण भुमिका हुने बताए ।