त्रिनिटी कलेजका सुरक्षा गार्डलाई खुकुरी हान्ने ४ जना पक्राउ
वि.सं.२०७९ असार १ बुधवार ०९:४४
काठमाडौ : त्रिनिटी कलेजका सुरक्षा गार्डलाई खुकुरी प्रहार गरेको अभियोगमा प्रहरीले सोही कलेजमा अध्ययनरत ४ जनालाई प्रहरीले पक्राउ गरेको छ ।
हिजो दिउसो १ बजे उनीमाथि खुकुरी प्रहार भएको थियो । खुकुरी प्रहारपछि घाइते भएका उनी मोडल अस्पतालमा उपचार पश्चात डिस्चार्ज भएका छन् । उनको कानको मुनी चोट लागेको छ ।
सुरक्षा गार्डलाई खुकुरी प्रहार गरेको अभियोगमा म्याग्दीको बेनी नगरपालिका वीरमुनी घर भई हाल तारकेश्वर नगरपालिका बानियाँटार बस्ने १८ वर्षीय जोसेन बानियाँ, रामेछाप मन्थली नगरपालिका घर भई काठमाडौं डिल्लीबजार बस्ने १८ वर्षीय बिपिन खत्री, ओखलढुङ्गा मानेभञ्याङ्ग घर भई काठमाडौं घट्टेकुलो बस्ने १८ वर्षीय प्रतीक खतिवडा र टोखा बस्ने १८ वर्षीय सञ्जिव भण्डारीलाई प्रहरीले पक्राउ गरेको छ।
उनीहरुमाथि थप अनुसन्धान भईरहेको प्रहरीले जनाएको छ ।
वि.सं.२०७९ असार १ बुधवार ०९:४४