सिमराको उडानमा कटौती
वि.सं.२०७९ जेठ २० शुक्रवार ०८:३८
बारा : बारास्थित सिमरा विमानस्थलबाट हुने दैनिक उडान १३ दिनसम्मको लागि कटौती भएको छ । यही जेठ २४ गतेदेखि आगामी असार १३ गतेसम्म कटौती हुने भएको हो ।
विमानस्थल क्षेत्रमा मर्मत सम्भारको काम हुने भएकाले २० दिन दैनिक उडान कटौती हुने भएको हो । सो अवधिमा बिहान ६ देखि ११ बजेसम्म मात्रै उडान हुने सिमरा विमानस्थलका प्रमुख भूपेन्द्र भट्टले जानकारी दिए । नियमित १२ उडान हुँदै आएको सिमरा विमानस्थलबाट सो अवधिमा दैनिक आधा मात्रै उडान हुने उनले बताए ।
वर्षौदेखि जीर्ण अवस्थामा रहेको सिमरा विमानस्थल मर्मत सम्भार गर्न लागिएको हो । दैनिक उडानको समय कटौती गरी मर्मतको काम अघि बढाइएको हो । सप्तकोसी निर्माण सेवा कम्पनीले उक्त मर्मत सम्भारको ठेक्का लिएको छ ।
वि.सं.२०७९ जेठ २० शुक्रवार ०८:३८