अखबार नेपाल ट्रेन्डिङ

काठमाडौ : काठमाडौ महानगरपालिकाका मेयर बालेन शाहले आज पदभार ग्रहण गर्दैछन् । मेयरमा निर्वाचित बालेनले आज पद तथा गोपनीयताको सपथग्रहणका साथै पदभार ग्रहण गर्ने भएका हुन ।

गएको ३० बैशाखमा सम्पन्न स्थानीय तहको निर्वाचनमा उनले ६१ हजार सात सय ६७ मत ल्याएर मेयरमा निर्वाचित भएका थिए।

सोमबार बिहान ११ बजे राष्ट्रिय सभा गृह प्रदर्शनीमार्गमा आयोजित कार्यक्रममा मेयर शाह, उपमेयर सुनिता डंगोल, ३२ वडाकै वडाध्यक्ष र सदस्यहरूले सपथ लिने र त्यसपछि पदभार ग्रहण गर्ने कार्यक्रम छ।

निर्वाचनमा काठमाडौको मेयरमा बालेनका निकटतम प्रतिद्वन्द्वी सत्ता गठबन्धनबाट मेयर उम्मेदवार नेपाली कांग्रेसकी सिर्जना सिंहले ३८ हजार तीन सय ४१ मत ल्याएकी थिइन् भने नेकपा एमालेबाट मेयर उम्मेदवार केशव स्थापितले ३८ हजार एक सय १७ मत ल्याएका थिए।