अखबार नेपाल ट्रेन्डिङ

काठमाडौं: सधैं भीडभाड रहने पशुपतिनाथ मन्दिर परिसरमा महाशिवरात्रीको अवसरमा पाशुपात परिसरमा विभिन्‍न रंगका फूलहरूले सजिसजाउले छुट्टै रौनक थपेको छ ।

नेपालका विभिन्‍न स्थान र भारतबाट आएका साधुसन्त र दर्शनार्थीको भीडभाड बढेको छ । भारतका विभिन्‍न स्थानबाट आएका दर्शनार्थी आएका छन् ।

मन्दिर परिसरको गेटलाई फूलका गुच्छाले सजाइएको छ । साधुसन्तहरूको ओहोरदोहोर गरिरहेका देखिन्छन् । विभिन्‍न स्वरुपमा बागमती नदी आसपासमा बाबाहरूको भीड देख्‍न सकिन्छ ।

पशुपति क्षेत्र विकास कोषले १० लाखको हाराहारीमा दर्शनार्थीले दर्शन गर्ने जनाएको छ ।  कोषले मन्दिर सजावटका लागि करिब १ करोड रुपैयाँ खर्च गरेको छ ।

शिवरात्रिमा सुरक्षाको संवेदनशीलतालाई ध्यानमा राखी करिब १० देखि १५ हजार सुरक्षाकर्मीलाई परिचालन गरिने कोषले जनाएको छ ।

कोरोना महामारी जोखिम रहेकाले स्वास्थ्य सुरक्षाका मापदण्ड पालना गरी दर्शनार्थीलाई स्यानिटाइजर र मास्कको अनिवार्य प्रयोग गर्न लगाइएको छ ।

कोषले दर्शनार्थीको सुरक्षार्थका लागि नेपाल प्रहरीको अगुवाईमा सशस्त्र प्रहरी र राष्‍ट्रिय अनुसन्धान विभागबाट समेत सुरक्षाकर्मी परिचालन गर्ने तयारी गरेको छ ।