अखबार नेपाल ट्रेन्डिङ

काठमाडौं: सरकारले अमेरिकी सहायता परियोजना एमसीसी संसदमा लैजाने तयारी गरेसँगै देशभर यसको बिरोधमा प्रदर्शन चर्किएको छ ।

एमसीसी संसद्‌मा पेश नगर्न दबाव दिँदै आएका नेत्रविक्रम चन्द विप्लव सहितका ६ दलले माओवादी केन्द्र, नेकपा (एकीकृत समाजवादी)का भ्रातृ संगठनहरू सहितका प्रदर्शनकारीले निषेधित क्षेत्र तोडेपछि प्रहरीले त्यसलाई रोक्न पानीको फोहोरा प्रहार गरेको थियो ।

त्यसक्रममा प्रहरी र प्रदर्शनकारीबीच झडप हुँदा केहीबेर सो क्षेत्र तनावग्रस्त बन्न भएको हो ।

प्रदर्शनको क्रममा झडपमा प्रहरी र केही प्रदर्शनकारी सामान्य घाइते भएका छन् । प्रदर्शनकारीहरू निषेधित क्षेत्रमा प्रवेश गर्न खोजेपछि प्रहरीले पानीको फोहोरा प्रयोग गरेको छ ।

त्यसक्रममा निषेधित क्षेत्र तोडेर प्रदर्शनकारीहरू संसद भवन दक्षिण गेटसम्म पुगेका थिए ।

प्रदर्शनकारीलाई रोक्न तैनाथ प्रहरीले निषेधित क्षेत्रतिर आउन नदिन पानीको फोहरादेखि अश्रुग्याससम्मको प्रयोग गरे ।

प्रहरी र प्रदर्शनकारीबीचको झडपका क्रममा नयाँ बानेश्वर क्षेत्र रण मैदान जस्तै देखिएको थियो ।

आजै (बुधबार) सत्तारुढ पाँच दलबीच सहमति नभएपछि सरकारले एमसीसीलाई संसदमा लैजाने निर्णय गरे ।