अखबार नेपाल ट्रेन्डिङ

काठमाडौं: सर्बोच्च अदालतका प्रधानन्यायाधीश चोलेन्द्र शमशेर राणालाई महाअपभयोग लगाएपछि त्यसको ‘काउन्टर अट्याक’मा एमाले उत्रिने भएको छ ।

‘काउन्टर अट्याक’कै रुपमा आज अग्निप्रसाद सापकोटालाई महाअभियोग दर्ता गर्ने एमाले स्रोतले बताएको छ ।

सरकारले प्रधानन्यायाधीशमाथि महाअभियोग लगाएर राजनीतिक अस्थिरता ल्याएको निष्कर्ष निकाल्दै एमालेले सभामुखमाथि महाअभियोग लगाउने तयारी गरेको हो ।

सरकारले प्रधानन्यायाधीश राणामाथि महाअभियोग लगाएपछि अन्य चार न्यायाधीसमाथि महाअभियोग लगाउने तयारी पनि एमालेले गरेको छ ।

तर हालसम्म  सभामुखलाई मात्र महाअभियोग लगाउने कि चार न्यायाधीशलाई पनि महाअभियोग लगाउने एमालेले खुलाएको छैन ।

त्यसको लागि अहिले बिहान ११ बजे संसदीय दलको बैठक बोलाएको छ ।

बैठकमा सभासदहरुको हस्ताक्षर संकलन गर्ने एमालेको तयारी छ ।

उता सभामुखले बोलाएको सर्बदलीय बैठक बहिष्कार गरेको एमालेले सभामुखले २ बजे बोलाएको संसद सचिवालय बैठक अघि नै संसदीय सचिवालयमा उनीबिरुद्ध महाअभियोग लगाउने तयारी गरेको छ ।