नारायणहिटीमा माघ १९ देखि सञ्चालन गर्ने भनिएको महायज्ञ तत्कालका लागि स्थगित
वि.सं.२०७८ माघ १८ मंगलवार १८:११
काठमाडौं: नारायणहिटी दरबारको पूजाघरभित्र १९ माघदेखि सञ्चालन गर्ने भनिएको महायज्ञ तत्कालका लागि स्थगित भएको छ ।
नारायणहिटी दरबार संग्रहालय तथा सञ्चालन विकास समितिले मंगलबार एक विज्ञप्ति जारी गर्दै महायज्ञ स्थगित गरिएको जानकारी दिएको छ ।
गृह मन्त्रालय र जिल्ला प्रशासन कार्यालयले कोरोना संक्रमण रोक्न जारी गरेको आदेशानुसार हाललाई स्थगन गरिएको समितिले जनाएको छ ।
समितिले संस्कृति, पर्यटन तथा नागरिक उड्डयन मन्त्रालयलाई बोधार्थ गर्दै पत्र पठाएको छ ।
महायज्ञ सञ्चालको लागि गत पुस २ गते नमस्ते परोपकारी अभियान र सतिश्राप मोक्षधामले मन्त्रालयमा पत्र पठाएका थिए ।
मन्त्रालयका सविच महेश्वर न्यौपानेसहितको बैठकले उक्त महायक्ष सञ्चालन गर्न दिने निर्णय गरेको थियो ।
तर, नेपाल पञ्चाङ्ग निर्णायक समितिले भने उक्त महायज्ञको साइत नजुरेको बताउँदै आएको थियो ।
महायज्ञबारे समितिलाई आधिकारिक जानकारी नगराइएको र उक्त समयमा महायज्ञ सञ्चालन गर्न उपयुक्त नभएको समितिको भनाइ थियो ।
वि.सं.२०७८ माघ १८ मंगलवार १८:११