अखबार नेपाल ट्रेन्डिङ

काठमाडौं : कामीरिता शेर्पाले २४औं पटक सगरमाथा आरोहण गरेका छन् । यही जेठ १ गते २३औं पटक सगरमाथाको आरोहण गरेका शेर्पाले एकसाता मै आफ्नै कीर्तिमान तोडर नयाँ कीर्तिमान बनाएका हुन् ।

शेर्पाले आज बिहान ६:३८ बजे सफल आरोहण गरेको सगरमाथा आधार शिविरबाट सम्पर्क अधिकृत ज्ञानेन्द्र श्रेष्ठले जानकारी दिए । शेर्पाले भारतीय टोलीको नेतृत्व गर्दै सगरमाथा आरोहण गरेका हुन् । शर्पाले जेठ १ गते बिहान ७:५० बजे २३औं पटक सगरमाथाको चचुरोमा पाइला टेकेका थिए । एकसाता नबित्दै फेरि सगरमाथा चुचुरो पुग्न सफल भएका हुन् ।

उनले यो सिजनमा दुई पटक आरोहण गर्ने घोषणा पनि गरेका थिए । आरोहणको व्यवस्थापन सेभेन समिट्स ट्रेक्सले गरेको हो । सोलुखुम्बुको खुम्बु, पासाङल्हामु ५ थामेका ४९ वर्षीय शेर्पाले सन् १९९२ देखि पर्वतारोहण क्षेत्रमा काम थालेका थिए । उनले सन् १९९८ मा पहिलो पटक गाइडकै रुपमा सगरमाथा आरोहण गरेका थिए ।