जनस्वास्थ्य मापदण्ड पालना गर्दै अन्तर्राष्ट्रिय हवाई उडान सञ्चालन हुने
वि.सं.२०७८ असार ९ बुधवार १९:५०
काठमाडौं: जनस्वास्थ्य मापदण्ड पालना गर्दै अन्तर्राष्ट्रिय हवाई उडान सञ्चालन हुने भएको छ । बिहीबारदेखि अन्तर्राष्ट्रिय उडान सुरु हुने भएको हो ।
मन्त्रिपरिषद्ले जनस्वास्थ्य मापदण्ड पालना गर्दै संस्कृति, पर्यटन तथा नागरिक उड्डयन मन्त्रालयलाई हवाई उडान खोल्ने र यसको व्यवस्थापनको अनुमति दिएसँगै बिहिबारबाट अन्तराष्ट्रिय उडान खुल्ने भएको हो ।
उडान खुलेसँगै तालिका पनि तय भएको छ । तालिका अनुसार जुन २४ अर्थात् भोली बिहिबार नेपाल एयरलाइन्सले कतारको दोहा र टर्कीस एयरलाइन्सले इस्तानबुलबाट उडान गर्नेछन् ।
२५ जुनमा नेपाल एयरलाइन्सले जापानमा उडान भर्नेछ । सोही दिन एयर इण्डियाको जहाज दिल्लीबाट काठमाडौं आउनेछ ।
जुन २६ मा कतार एयरवेज जहाजको दोहाबाट काठमाडौं आउनेछ भने टर्की एयरलाइन्सको जहाज इस्तानबुलबाट काठमाडौं आउने छ । एयर अरेवियाको जहाज आबुधावीबाट काठमाडौं आउने छ ।
यो पनी पढ्नुहोस् :
असार १७ गतेदेखि आन्तरिक उडान पुनः सञ्चालन हुने
वि.सं.२०७८ असार ९ बुधवार १९:५०