अखबार नेपाल ट्रेन्डिङ

काठमाडौं:  असार १७ गतेदेखि आन्तरिक उडान पुनः सञ्चालन हुने भएको छ ।  बुधबार भएको वायुसेवा सञ्चालक संघ र संस्कृति, पर्यटन तथा नागरिक उड्डयन मन्त्रालयमा भएको छलफल पछि आन्तरिक उडान सञ्चालन गर्ने निर्णय भएको हो ।

संस्कृति, पर्यटन तथा नागरिक उड्डयन मन्त्रालयले स्वास्थ्य  मन्त्रालयसँगको छलफलपछि असार १७ गतेदेखि आन्तरिक उडान सुरु गर्ने निर्णय गरेको हो ।

हाललाई वायुसेवा कम्पनीलाई सीमित तथा सुरक्षित गन्तव्यमा ५० प्रतिशत क्षमतामा उडान गर्ने निर्णय भएको मन्त्रालयले जनाएको छ।

मन्त्रालयले संक्रमणको हिसाबले कम प्रभावित गन्तव्यमा मात्र उडान गर्न दिइने निर्णय गरेको छ। स्वास्थ्य मन्त्रालयको छलफलपछि गन्तव्य निश्चित गरिने मन्त्रालयले स्रोत बताउँछ।

नागरिक उड्डयन प्राधिकरणले उडान समयतालिका र उडान संख्या निश्चित गरिदिए लगत्तै वायुसेवा कम्पनीहरुले टिकट बिक्री सुरु गर्ने जनाएका छन्।

यो पनि पढ्नुहोस् :

एनएमबि बैंकले मनाङका बाढी प्रभावितलाई स्वास्थ्य सामग्री वितरण