अखबार नेपाल ट्रेन्डिङ

काठमाडौं: दोलखाको विगु गाउँपालिका-४ लादुकमा गाडी दुर्घटना हुँदा ४ जनाको मृत्यु भएको छ ।

प्रदेश नं ३–०१–२३ च ७५८० नम्बरको गाडी सडकबाट खस्दा गाडीमा सवारमध्ये ३ जनाको घटनास्थलमै र एक जनाको उपचारको क्रममा मृत्यु भएको अन्य १८ जना घाइते भएको जिल्ला प्रहरी कार्यालय दोलखाले जानकारी दिएको छ ।

मृत्यु हुनेमा ३ जना महिला र १ जना पुरुष रहेका छन् ।

विगु गाउँपालिका-३ का ३५ वर्षीय विनोद केसी, ४५ वर्षीया अजिता खत्री, ५२ वर्षीया राधा खड्का र २४ वर्षीया चण्डिका थापा रहेको जिल्ला प्रहरी कार्यलय दोलखाले जनाएको छ ।

घाइते १८ जनामध्ये ८ जनाको सदरमुकाम चरिकोटमा उपचार भइरहेको छ भने १० जनालई थप उपचारको लागी काठमाडौं ल्याइएको  छ ।