अखबार नेपाल ट्रेन्डिङ

काठमाडौं: आज मार्च ८ अर्थात् १११औं अन्तर्राष्ट्रिय महिला दिवस ।

नेपालमा ‘महिलाको सुरक्षा, सम्मान र रोजगार: समृद्ध नेपालको आधार’ भन्ने नारासहित विभिन्न कार्यक्रम गरी मनाइँदैछ ।

जर्मनीमा जन्मिएकी कम्युनिस्ट नेतृ क्लारा जेट्किनले महिला श्रमिकमाथिको श्रम शोषणविरुद्ध संघर्ष थालेको स्मरणमा यो दिवस मनाउने गरिएको हो ।

क्लारा जेट्किनको नेतृत्वमा सन् १९०८ मार्च ८ का दिन अमेरिकाको सिकागो सहरमा समान काम, समान ज्याला लगायत माग राखेर महिलाहरुले आन्दोलन थालेका थिए ।

सोही दिनको स्मरणमा सन् १९१० मार्च ८ देखि अहिलेसम्म श्रमिक महिलाहरुले अधिकारका लागि संघर्ष गरेको दिनका रुपमा यो दिवस मनाइँदै आइएको छ ।

महिला बालबालिका तथा ज्येष्ठ नागरिक मन्त्रालय, महिला अधिकारका क्षेत्रमा काम गर्ने विभिन्न संघसंस्था, राजनैतिक दलआबद्ध महिला संघ-संगठनहरुले र्याली, गोष्ठी, सभालगायतका कार्यक्रमहरु तय गरेका छन् ।

हेर्नुहोस् तपाईको आज २०७७ फागुन २४ गते सोमबारको तपाईको राशिफल