अखबार नेपाल ट्रेन्डिङ

काठमाडौंः भारतको सत्तारुढ दल भारतीय जनता पार्टी ‘भाजपा’का विदेश विभाग प्रमुख विजय चौथाइवा नेपाल भ्रमणमा आएका छन । नेकपा महासचिव विष्णु पौडेलको निमन्त्रणामा ‘भाजपा’का विदेश विभाग प्रमुख विजय चौथाइवा नेपाल भ्रमणमा आएका हुन् ।

भाजपाका विदेश विभागका प्रमुख विजय चौथाइवाले आज नै प्रधानमन्त्री केपी ओलीसँग बालुवाटारमा शिष्टाचार भेट गरेका छन् । भेटमा नेपाल भारत सम्वन्ध, नक्सा जारी पछि देखिएको विवाद, कोरोना संक्रमण नियन्त्रणका प्रयास लगायतमा केन्द्रित भएको छलफल भएको बताइएको छ ।

नेपाल–भारत सम्बन्धलाई अझ सुदृढ बनाउने र जनस्तरसम्मको सम्बन्धलाई के कसरी थप सुमधुर बनाउन सकिन्छ भन्ने विषयमा केन्द्रित भएर भेटमा छलफल भएको प्रधानमन्त्रीका परराष्ट्र मामिला सल्लाहकार डा. राजन भट्टराईले जानकारी दिएका छन् ।

भारतीय विदेश सचिब , सेना प्रमुख र गुप्तचर प्रमुखको नेपाल भ्रमणपछि विदेश विभाग प्रमुख चौथाइवा काठमाडौं आएका हुन् ।