अखबार नेपाल ट्रेन्डिङ

काठमाडौंः ललितपुरको जावलाखेल स्थित सदर चिडिया खाना बिहीबारदेखी सर्वसाधारणका लागि खुल्ला गरिएको छ । कोरोना संक्रमणका कारण करिव नौ महिना बन्द भएको सदर चिडियाखाना बिहीबारदेखि खुल्ला भएकोहो ।

चिडियाखाना भित्र जनावरको नजिक जान, पार्कमा बसेर खान, वन्यजन्तुलाई खुवाउन र छुन र बालबालिकालाई खेलाउन नपाइने नियम समेत लागू गरिएको छ ।

चिडियाखानामा एकपटकमा आठ सय सय जना सम्मलाई प्रवेश दिने व्यवस्था गरिएको छ । घुम्न जाने व्यक्ति बढीमा डेढ घण्टा सम्म भित्र बस्न पाउने छन् ।

चिडियाखाना भित्र प्रवेश गर्दा हात सेनिटाइज गर्नुपर्ने, जुत्ता निसंक्रमण गर्नुपर्ने लगायतको व्यवस्था पनि गरिएको छ ।
टिकट अनलाइन मार्फत खरिद गर्न पाउने व्यवस्था पनि गरिएको छ ।