अखबार नेपाल ट्रेन्डिङ

काठमाडौँ: सरकारले विश्वको सर्वोच्च शिखर सगरमाथाको उचाइ घोषणा गर्ने भएको छ । मंसिर २३ गते मीनभवन स्थित नापी विभागको कार्यालयबाट घोषणाको कार्यक्रम हुने भएको हो ।                                     

नापी विभागका उपमहानिर्देशक सुशील नरसिंह राजभण्डारीले मंसिर २३ गते दिउँसो साढे १ बजे आयोजना हुने उक्त कार्यक्रमका लागि पत्राचार समेत गरेको बताए ।

सन् २०१५ मा गएको विनाशकारी भूकम्पका कारण हिमाली भेगको उचाइमा असर परेको तथ्य नापी विभागको अध्ययनमा देखाएको थियो । यही कारणले सगरमाथाको उचाइ पनि थपघट भएको हुनसक्ने अनुमानमा नेपालले पहिलोपटक आफ्नै स्रोत साधनमा सगरमाथाको उचाइ मापन गरेको हो ।

गत मंसिर १० गते बुधबार बसेको मन्‍त्रिपरिषद् बैठकले उचाईसार्वजनिक गर्न स्वीकृति दिएको थियो ।