अखबार नेपाल ट्रेन्डिङ

काठमाडौं: जल तथा मौसम पूर्वानूमान महाशाखाले तीन दिनसम्म मौसम बदली हुने पूर्वानूमान गरेको छ । आजदेखि शुक्रबारसम्म देशका पूर्वी तथा पहाडी जिल्लामा चट्याङ, मेघ गर्जनसहित असिनापानीको सम्भावना रहेको जनाएको छ । तराईका जिल्लामा हावाहुरी सहित वर्षा हुने पूर्वानूमान गरेको छ ।

आज दिउँसो देशैभर सामान्यदेखि पूर्ण बदली रहि पश्चिमी क्षेत्रका अधिकांश क्षेत्रहरुमा तथा पूर्वी तथा मध्य क्षेत्रका केही स्थानहरुमा चट्टयांग तथा हुरी बतास सहित हल्कादेखि मध्ययम वर्षा र असिना पानीको सम्भावना रहेको जनाएको छ । देशको तराईका स्थानहरुमा हुरी बतासको सम्भावना रहेको र उच्च पहाडी तथा हिमाली भू-भागहरुमा हिमपातको सम्भावाना रहेको जनाएको छ ।

आजराति देशैभरी सामान्य बदली रही देशका पश्चिमी क्षेत्रका अधिकांश क्षेत्रहरुमा र पूर्वी तथा मध्य क्षेत्रका थोरै स्थानमा चट्टयांग तथा हुरी बतास सहित हल्कादेखि मध्ययम वर्षा र असिना पानीको सम्भावना रहेको जनाएको छ । साथै देशको तराईका स्थानहरुमा हुरी बतासको सम्भावना रहेको र उच्च पहाडी तथा हिमाली भू-भागहरुमा हिमपातको सम्भावाना रहेको जल तथा मौसम पूर्वानुमान शाखाले जनाएको छ । महाशाखाले भोलि र पर्सी देशैभरी आंशिकदेखि सामान्य बदली रही पश्चिमी क्षेत्रका केही क्षेत्रहरुमा तथा पूर्वी तथा मध्य क्षेत्रका एक वा दुई स्थानमा मेघ गर्जन सहित वर्षाको सम्भावना रहेको जनाएको छ ।