अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा थप २ हजार ५ सय ६९ जनामा कोरोना भाइरसको संक्रमण पुष्टि भएको छ ।

योसँगै कोरोना संक्रमितको संख्या २ लाख २ हजार ३ सय २९ पुगेको छ ।

स्वास्थ्य तथा जनसंख्या मन्त्रालयका अनुसार काठमाडौं उपत्यकामा १ हजार २ सय ६१ संक्रमित थपिएका छन्, जसमध्ये काठमाडौंका ९ सय ७६ जना, ललितपुरका २ सय ४ र भक्तपुरका ८१ जना छन् ।

मोरङका १ सय ६८ जना, कास्कीका १ सय ३०, सुनसरीका १ सय १८, दाङका १ सय ५, झापा र धनुषाका ९८/९८ जना, रुपन्देहीका ७३, काभ्रेका ५५, नुवाकोटका ४१, मकवानपुर ३७, पाल्पाका ३१, कैलालीका २९, बाग्लुङ, अर्घाखाँचीका २२, पाँचथरका २०, सिन्धुपाल्चोक र तनहुँका १८/१८ जना, उदयपुर, गोरखा, बाँकेका १७/१७ जना, सिराहा र पर्वतका १६/१६ जना, चितवन र दोलखाका १५/१५ जना, नवलपरासीका १४, सप्तरीका १२, बर्दियाका १० जनामा कोरोना संक्रमण पुष्टि भएको छ ।

धादिङ, रामेछाप र रोल्पाका ९/९ जना, संखुवासभा, गुल्मी र कञ्चनपुरका ८/८ जना, रौतहट र सल्यानका ७/७ जना, बारा, दैलेख र डोटीका ६/६ जना, ताप्लेजुङ, पर्सा, सर्लाही, सिन्धुली, नवलपुर, स्याङ्जा, प्युठानका ५/५ जना, इलाम, महोत्तरी, कपिलवस्तु र जुम्लाका ४/४ जना, भोजपुर, सोलुखुम्बु र रसुवाका ३/३ जना, कालीकोट, जाजरकोट, सुर्खेत र डडेलधुराका २/२ जना तथा खोटाङ, धनकुटा, लमजुङ, डोल्पा र दार्चुलाका १/१ जनामा संक्रमण देखिएको मन्त्रालयले जनाएको छ ।

पछिल्लो २४ घण्टामा थप १ हजार ६ सय ६६ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ६२ हजार २ सय ४३ पुगेको छ ।

उनीहरू देशका विभिन्न स्थानका अस्पताल र होम आइसोलेसनमै रहेर संक्रमणमुक्त भएको मन्त्रालयले जानकारी दिएको हो ।