अखबार नेपाल ट्रेन्डिङ

काठमाडौं: नेपाल दुर संञ्चार प्राधिकरण, नागरिक उड्डयन प्राधिकरण र नेपाल विद्युत प्राधिकरणले राज्यको ढुकिटीमा जम्मा हुने अर्वौ रुपियाँ उठाउन सकेका छैनन् । उड्डयन प्राधिकरणले स्वदेशी तथा विदेशी गरी ५५ वायुसेवा कम्पनीबाट उठाउनु पर्ने यो आर्थिक वर्षको मात्रै साँढे दुइ अर्ब रुपैंयाँ बक्यौता छ ।

प्राधिकरणले राजश्व संकलनको जिम्मेवारी पाएको त्रिभुवन अन्तर्राष्ट्रिय विमानस्थल व्यवस्थापनको क्षमतामा नै प्रश्न उठाएको छ । दुरसंञ्चार सेवा प्रदायक कम्पनीहरुबाट उठ्नुपर्ने राजश्व बक्यौताको हालत उस्तै छ । स्मार्टसेल, युटिएलसहित ८ वटा कम्पनीले दुरसंञ्चार प्राधिकरणलाई करिव ३ अर्व रुपियाँ वुझाउन बाँकी छ । संसदको सार्वजनिक लेखा समिति र अर्थ समितिको निर्देशनसमेत अवज्ञा गर्दै प्राधिकरण बक्यौता असुलीमा कम्पनीलाइ ताकेता गर्नुको सट्टा भुक्तानीको म्याद थपिरहेको छ । बक्यौता असुलीका लागि भन्दै दुरसंञ्चार प्राधिकरणले असार मसान्तसम्मको अर्को मिति तोकेको छ ।

त्यस्तै नेपाल विद्युत प्राधिरकणले पनि आफ्ना ठुला ग्राहकवाट विद्युत महसुल असुल गर्न सकेको छैन । डेडिकेटेट फिडर अर्थात सवस्टेशनवाट छुट्टै तार ल्याएर उद्योगमा लाइन सप्लाई गर्ने तथा ट्रंक लाइन अर्थात २४ सै घण्टा मेनलाईनवाट उद्योगभित्र नै ट्रान्सफर्मर राखेर विजुली लिने गरेका ठुला उद्योगले अर्वौ रुपियाँ तिरेका छैनन् ।