अखबार नेपाल ट्रेन्डिङ

काठमाडौं: प्रशासनले बुधबार एक सूचना समेत जारी गर्दै उपत्यकामा बार अनुसार पसल खोल्ने व्यवस्था हटाएको छ ।

अर्को आदेश नभएसम्मका लागि यो व्यवस्था हटाइएको काठमाडौंका प्रमुख जिल्ला अधिकारी जनकराज दाहालले जानकारी दिए । यसअघि २४ भदौमा काठमाडौं उपत्यकाभित्र बार अनुसार व्यापार तथा व्यवसाय सञ्चालन गर्न दिने निर्णय भएको थियो ।

बिहीबारदेखि लामो दुरीको सार्वजनिक यातायात सञ्चालन गर्ने निर्णय गरे पनि काठमाडौं उपत्यकामा भने जोरविजोर प्रणाली हटाइएको छैन । सोही अनुसार मात्र यातायातका साधन चल्ने भएका छन् ।

यस्तै जुलस, सभा सम्मेलन, भोजभतेर र भीडभाड हुने कुनैपनि कार्य नगर्न आदेश गरिएको छ । यस्तै मन्दिरमा दैनिक पुजा गर्न छुट भए पनि भीडभाड हुने गरी कुनै कार्यक्रम भने आयोजना नगर्न आदेश गरिएको छ ।

यस्तै शैक्षिक संस्थाहरु पनि शुरु गर्न पाइने छैन । आदेश अनुसार सबै प्रकारका बैठक, गोष्ठी, सेमिनार, भोज भतेर डान्स, पार्टी, सांस्कृतिक कार्यक्रम, सिनेमा हल, ब्यूटि पार्लर पनि सञ्चालन गर्न बन्देज गरिएको छ ।