अखबार नेपाल ट्रेन्डिङ

काठमाडौँ: कोराना भाईरस महामारीका कारण प्रभावित बनेको नेपालको आरोहण क्षेत्रको सुधारकालागि सरकारले शुक्रबार वर्षकै पहिलो आरोहण अनुमति प्रदान गरेको छ ।

पर्यटन विभागले एउटा टोलीलाई शुक्रबार हिउँदयामकालागि ७ हजार १ सय २९ मिटर उचाइको वरुण से हिमाल आरोहण गर्ने अनुमति दिएको छ ।

विभागले आरोहणका लागि छ जनासहितको टोलीलाई अनुमति प्रदान गरेको छ र अनुमतिबापत १८ हजार रुपैयाँ रोयल्टी प्राप्त गरेको छ ।

मन्त्रिपरिषद्को यसै हप्ता बसेको बैठकले बहराइनका राजकुमारसहितको टोलीलाई पनि आरोहण अनुमति प्रदान गर्ने निर्णय गरेको छ । उक्त टोलीले विभागबाट अनुमति पाइसकेको छैन ।