अखबार नेपाल ट्रेन्डिङ

काठमाडौं: शुक्रबार देशभर कोरोनाका १ हजार ३ सय ५९ संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा सो संख्याका संक्रमित थपिएको जानकारी दिए ।

यसअघि बिहीबार एकैदिन १ हजार २ सय २८ जना कोरोना संक्रमित थपिएका थिए ।

हालसम्म संक्रमितको संख्या ४४ हजार २ सय ३६ पुगेको छ ।

पछिल्लो २४ घण्टामा १ हजार ३ सय ५४ जना कोरोनाबाट मुक्त भई घर फर्किएका छन् । कोरोनाबाट निको हुनेको संख्या २५ हजार ५ सय ६१ पुगेको छ ।

पछिल्लो २४ घण्टामा थप १४ जना कोरोना संक्रमितको मृत्यु भएको छ । योसँगै कोरोनाबाट मृत्यु हुनेको संख्या २ सय ७१ पुगेको छ ।

यो पनि पढ्नुहोसः रामेछापमा ५ जना प्रहरी सहित थप ६ मा संक्रमण पुष्टि