अखबार नेपाल ट्रेन्डिङ

काठमाडौं: कानून व्यवसायीको छाता संगठन नेपाल बार एसोसिएशनको आगामी नेतृत्वका लागि आज निर्वाचन हुँदैछ । सत्तारुढ दल नेकपा निकट नेपाल लयर्स एसोसिएशन (एनएलए) र कांग्रेस निकट डेमोक्र्याटिक लयर्स एसोसिएशन (डिएलए) प्यानलसहित चुनाबी मैदानमा उत्रिएका छन् ।

सत्तारुढ दल नेकपा निकट नेपाल लयर्स एसोसिएशन (एनएलए)बाट अध्यक्ष पदका प्रत्यासी वरिष्ठ अधिवक्ता चण्डेश्वर श्रेष्ठ रहेका छन् भने । कांग्रेस निकट डेमोक्र्याटिक लयर्स एसोसिएशन (डिएलए)बाट अभिवक्ता सुनिलकुमार पोखरेलबीच प्रतिष्पर्धा हुँदैछ ।

सत्तारुढ नेकपा निकट नेपाल लयर्स एशोसिएशन (एनएलए) बाट अध्यक्ष पदका प्रत्यासी श्रेष्ठले नेपाल बार एशोसिएशनलाई सवल बनाउने प्रतिवद्धता व्यक्त गरेका छन् । त्यसैगरी प्रतिपक्षी दल नेपाली कांग्रेस डेमोक्रेट लयर्स एशोशिएशन (डिएलए) बाट अध्यक्ष पदका अर्का प्रत्यासी पोखरेलले राजनीतिक हस्तक्षेप मुक्त न्यायालयका लागि आफूले उम्मेदवारी दिएको दावी गरेका छन् । पदाधिकारी सहित २५ सदस्यीय केन्द्रिय कार्य समिति चयनका लागि प्रगतिशील समूहको तर्फबाट श्रेष्ठ र प्रजातान्त्रिक समूहको तर्फबाट पोखरेल नेतृत्वको दुई वटा समूह चुनावी प्रतिस्पर्धामा उत्रिएको छ ।