अखबार नेपाल ट्रेन्डिङ

काठमाडौं: थोपा थोपा मिलेर नै समुन्द्र बन्छ, हामी जुटे संसार हाकिन्छ । यस्तै उदेश्यका साथ बागबजारस्थित शान्त कम्प्लेक्सका उद्यमीले ‘बाघ समुह’ नामक एक संस्था स्थापना गरी व्यवसायिक उद्योग स्थापनाका निम्ति सञ्चालन गरिएको संस्था ‘बाघ समुह’को आज वार्षिक साधारणसभा सम्पन्न गरेको छ ।

शान्त कम्प्लेक्सभित्र घरबेटीबाका उपनामले चिनिएका शान्तरत्न मानन्धरको प्रमुख आतिथ्यमा सम्पन्न साधारणसभामा ७ नयाँ कार्यसमिति पनि गठन भएको छ । नयाँ कार्य समितिमा अध्यक्ष: हरि अधिकारीका साथ लक्ष्मण महर्जन, राजेन्द्र थापामगर, सविता केसी, ज्योति बस्नेत, कुल प्रसाद धमला, राजेन्द्र चौधरी चयन भएका छन् ।

कार्यक्रमको बारेमा जानकारी दिँदै संस्थाका अध्यक्ष हरि अधिकारीले स-सानो पुँजीबाट सुरु गरेका हामी सम्पूर्णको प्रयासले यहाँसम्म आईपुग्न सफल भएका र हामी सम्पूर्ण सदस्यहरुको हात रहेको बताउँदै हामी बाघ समुह बाघ नै भएर व्यवसायिकतामा फड्को मार्नको निम्ति हामी प्रायसरत रहनुपर्नेमा जोड दिए ।

सभाका प्रमुख अतिथि शान्तरत्न मानन्धरले व्यवसायिकताको नयाँ कार्य थालनी भएकोमा सम्पूर्ण सदस्यहरुलाई बधाई तथा शुभकामना ज्ञापन व्यक्त गरेका थिए । कार्यक्रममा राजेन्द्र थापामगर, सरिता केसी, लक्ष्मण महर्जन लगायतका सदस्यले आ-आफ्नो धारणा राखेका थिए । सम्पन्न साधारणसभामा हालसम्म कुल १७ लाख २२ हजार ६ सय ५० रुपैयाँको चुक्ता पुँजी देखाईएको छ ।