अखबार नेपाल ट्रेन्डिङ

काठमाडौं: नेपाल कम्युनिष्ट पार्टी ‘विप्लव’ समुहमाथि आपारधिक संगठन भएको ठहर गर्दै सरकारले प्रतिबन्ध लगाउने निर्णय गरेको छ । प्रधानमन्त्रीको सरकारी निवास बालुवाटारमा बसेको मन्त्रिपरिषद्को बैठकले विप्लव समूहका गतिविधि अपराधीकरणतर्फ उद्दत रहेको ठहर गर्दै प्रतिबन्ध लगाउने निर्णय गरेको हो ।

आपराधिक कृयाकलापमा संलग्न भएको, विकासका पूर्वाधारमाथि बम विस्फोट गराउने र व्यक्तिको शान्ति सुरक्षामथि आक्रमण गर्ने कार्य गरेको ठहर गर्दै सरकारले विप्लव समुहमाथि प्रतिबन्ध लगाउने घोषणा गरेको हो ।

मन्त्रिपरिषद् बैठकले विप्लव समूहका नामबाट अब देशभरी कुनै पनि गतिविधि गर्न नदिने गरी प्रतिबन्ध लगाएको प्रधानमन्त्रीका सल्लाहकार विष्णु रिमालले जानकारी दिए । राज्यले वार्तामा बोलाउँदा समेत विप्लव समूह नआएपछि सरकारले प्रतिबन्ध लगाउने घोषणा गरेको बतार्इएको छ ।

सांसद सोमप्रसाद पाण्डे नेतृत्वको वार्ता समितिले वार्तामा ल्याउने गरेको प्रयास, विप्लव समूहका पछिल्ला गतिविधि, एनसेल लगायतका स्थानमा भएको बम विस्फोट र चन्द आतंकबारे मंगलबार बसेको मन्त्रिपरिषद्को बैठकमा छलफल भएको थियो ।