अखबार नेपाल ट्रेन्डिङ

काठमाडौं: नेपालमा कोरोना भाइरस संक्रमितको संख्या तीन पुगेको छ । राष्ट्रिय जनस्वास्थ्य प्रयोगशाला गरिएको नमुना परीक्षणमा थप एकजनामा पोजेटिभ देखिएको हो । थप नयाँ एकजना (पुरुष) बिरामी भेटिएपछि संक्रमितको संख्याप तीन पुगको हो ।

खाडी मुलुकबाट आएका ती बिरामी टेकु अस्पतालको आइसोलेसन वार्डमा उपचाररत थिए । उनको नाम र ठेगाना गोप्यि राखिएको छ । नेपालमा अहिलेसम्म ६ सय ८७ जनाको नमुना परीक्षण गरिएको छ । जसमध्ये ६ सय ८४ को रिपोर्ट नेगेटिभ आएको छ ।

विस्तृत जानकारी उपलब्ध नभइसकेको भएपनि स्वास्थ्य मन्त्रालयले आफ्नो वेबसाइटमा पनि कोरोना संक्रमित व्यक्तिको संख्या तीन पुगेको उल्लेख छ । सुरुमा चीनबाट आएका एक विद्यार्थीमा कोरोना संक्रमण देखिएको थियो । उनी उपचारपछि निको भइसकेका छन् ।

फ्रान्सबाट कतारको दोहा हुँदै नेपाल आएकी १९ वर्षीया युवतीमा पनि संक्रमण देखिएपछि आइतबार स्वास्थ्य मन्त्रालयले त्यसको जानकारी दिएको थियो । त्यसलगतै सरकारले देशभर लागू हुनेगरी चैत १८ गतेसम्मका लागि लकडाउनको घोषणा गरेको छ ।