अखबार नेपाल ट्रेन्डिङ

पोखरा: कोरोना भाइरसको जोखिमलाई मध्यनजर गर्दै फेवा डुंगा ब्यवसायी समितिको आइतबार बिहान बसेको बैठकले फेवातालमा डुंगा चलाउन रोक्ने निर्णय गरेको छ ।

कोरोना भाइरसको सक्रमण हुन सक्ने अवस्थालाई मध्यनजर गर्दै सरकारले २५ जना भन्दा धेरै भेला नहुन र सतकर्ता अपनाउन अनुरोध गरिरहेको अवस्थामा समितिको बैठकले आइतबारदेखि अनिश्चिकालका लागि डुंगा सञ्चालनमा रोक लगाइएको फेवा डुंगा व्यवसायी समितिका अध्यक्ष बुद्धिबहादुर नेपालीले जानकारी दिएका छन् ।

फेवातालमा सञ्चालन भईरहेको ८ डुंगा घाटमा कुल ७ सय डुंगा रहेको र सबैभन्दा धेरै फेवातालको बिचमा रहेको तालबाराही मन्दिर जाने बाराही घाटमा ३ सय ५६ डुंगा रहेकोमा ६ सय जनाले दैनिक डुंगा चलाएर जिविकोपार्जन गर्दै आईरहेको समितिका अध्यक्ष नेपालीले जानकारी दिए ।