अखबार नेपाल ट्रेन्डिङ

रामेछापः जिल्ला प्रशासन कार्यालय रामेछापले बुधबार आकस्मिक रुपमा विभिन्न ६ वटा सरकारी कार्यालयमा गरेका छड्के चेकजाँचका क्रममा २६ जना कर्मचारी अनुपस्थिति रहेको पाईएको जिल्ला प्रशासन कार्यालय रामेछापले जनाएको छ ।

कार्यालयमा २६ जना कर्मचारी अनुपस्थित भएका भेटिएका थिए । सदरमुकाम मन्थली र पुरानो सदरमुकाम रामेछापमा रहेका प्रसासन कार्यालयले छुट्टै टोली पठाएको र सो क्रममा ११ जना कर्मचारीले पोशाक नलगाई कार्यालयमा आएका १० जनाले सरकारी परिचय-पत्र नलागाई कार्यालयमा उपस्थित भएको पाईएको छ ।

छड्के गरिएका कार्यालयहरुमा रामेछाप नगरपालिकाको कार्यालय, जिल्ला शिक्षा समन्वय ईकाई, नेपाल टेलिकमको कार्यालय डिभिजन वन कार्यालय, रामेछाप जिल्ला स्वास्थ कार्यालय रामेछाप र घरेलु तथा साना उद्योग विकास समिति मन्थली रहेका जिल्ला प्रशासन कार्यालय रामेछापले जनाएको छ ।