अखबार नेपाल ट्रेन्डिङ

काठमाडौं: सुनसरी-मोरङस्थित औद्योगिक करिडोर अन्तर्गतका दुई वटा ठूला उद्योगमा विद्युत प्राधिकरणले लाईन काटिदिएको छ । प्राधिकरणको बक्यौता रकम नतिरेपछि सुनसरी इटहरीस्थित खनारमा रहेको औद्योगिक ग्राहक रिलायन्स स्पिनिङ मिल र विराटनगरको रघुपति जुट मिलको लाईन काटेको हो ।

प्राधिकरणले रिलायन्स स्पिनिङ मिलले हालसम्म १ अर्ब ५० करोड ९ लाख ८ सय ६७ रुपैयाँ विद्युत् महसुल एक वर्षसम्म ताकेता गर्दा समेत नतिरेकाले लाइन काटेको विधुत् प्राधिकरण इटहरीका केन्द्र प्रमुख मिथिलेश कुमार गोइबारले जानकारी दिए ।

यसैगरी विराटनगर विद्युत् वितरण केन्द्रले विराटनगर रानीस्थित रघुपति जुटमिलले पनि १५ करोड ५५ लाख ६८ हजार रुपैयाँ महसुल नतिरेकाले लाइन काटेको विद्युत प्राधिकरणले जनाएको छ ।