नव वर्ष २०७८ को शुभ-कामना सहित हेर्नुहोस् तपाईको वार्षिक भाग्य राशिफल

अखबार नेपाल

वि.सं.२०७८ वैशाख १ बुधवार ०७:५३

2.2K

अखबार नेपाल

वि.सं.२०७८ वैशाख १ बुधवार

2.2K

मेष राशीवालाहरुको लागि २०७८ साल राम्रो रहने छ । यो वर्ष नयाँ कार्यहरुको थालनी हुने वा नयाँ काम प्राप्तिको योग बनेको छ । आर्थिक संशाधन हरुमा वृद्धि हुनुको साथै यश मान सम्मान प्राप्त हुनेछ । आर्थिक स्थिती गत वर्षको भन्दा राम्रो हुनेछ । व्यापार व्यवसायमा परिवर्तन हुनुको साथै उल्लेख्य प्रगति हुनेछ। विगतमा कसैलाई उधारो दिनु भएको छ भने यो वर्ष पैसा फिर्ता आउने योग बनेको छ । करियरको हिसाबले यो वर्ष जागिर परिवर्तन हुन सक्छ । अथवा गरिरहेको ठाउँमा सोचे अनुरुप थप लाभ प्राप्त हुनेछ । स्थान परिवर्तनको योग भएकोले बसाई सराई हुने अथवा नयाँ ठाउँमा सर्ने सम्भावना पनि बलियो छ । अविवाहितहरुको प्रेम जीवन सुखद रहने छ साथै विवाहको सम्भावना पनि यो वर्ष प्रबल छ, स्वास्थ्यको विषयमा विशेषगरि खानपानमा सावधानी अपनाउनु पर्ने वर्ष छ । सुगर रोग, आखाँ तथा खुटटा आदिमा समस्या आउनेछ। यो साल पारिवारिक समस्यामा भने अल्झिनु पर्ने हुन सक्छ । कुटुम्बहरु बिच विवाद वा असमझदारी हुने सम्भावना छ । खासगरि पति पत्नि बिच मनमुटाव र कलहले अवस्था असामान्य बनाउन सक्छ । कसै कसैलाई भने सम्बन्ध विच्छेद सम्म हुने वा केही समय पति पत्नि अलग अलग बस्नु पर्ने सम्मको अवस्था आउने छ । यो वर्ष चोटपटक वा सानो तिनो दुर्घटनामा परिने सम्भावना भएकोले एक पटक चिना चाँही अवश्य देखाउनु होला ।

वृष राशीवालाहरुलाई भयंकर उतारचढाव वाला वर्ष हुनेछ । गरेका कार्यहरुमा अवरोध आउने वा विलम्ब हुन सक्ने योग छ । यो वर्ष एक प्रकारको भ्रम वा भयले सताउने छ । गरेका निर्णयहरु पटक पटक बदलिने अवस्था आउँछ। बिध्न बाधाहरुले गर्दा हैरान हुने सम्मको अवस्था ल्याउनेछ । आर्थिक दृष्टिले भने यो वर्ष मध्यम रहनेछ । सन्तान अथवा आफनो सम्पत्तिमा वृद्धिको योग आएको छ । शुरुका ९ महिना लगानी लाइ राम्रो छ । जमीनको खरीद बिक्रीले तँपाइलाइ लाभ हुनेछ विशेषगरि रियल स्टेट व्यवसायमा हुनेहरुलाई राम्रो नाफा हुने सम्भावना छ । यो साल शेयर बजारमा गरिएको लगानीले तँपाइलाइ फाइदा दिनेछ, पैतृक सम्पत्ति आउने बाँकी छ भने यो वर्ष प्राप्त हुनेछ । जागिर, व्यवसाय र करियर को हिसाबले शुरुका केही महिना कठिन रहे पनि बाँकीका महिनाहरुमा केही सकारात्मक परिणाम् प्राप्त हुन सक्छ । आफनो वा परिवारको कोही सदस्यको स्वास्थ्यमा समस्या आउनेछ । हृदय रोगको कारणले स्वास्थय स्थिती जटिल हुन सक्छ। व गुप्त रोगको कारणले शरिर शिथिल हुन सक्छ । मित्रहरुसँग बिनाकारण मतभेद भई टाढिने अवस्था आउनेछ । कसै कसै लाई भने आय आम्दानीको स्रोतहरु ठप्पै भइदिने वा रोक्नै नसक्ने गरि अत्यधिक खर्च हुने सम्भावना भएकोले एक पटक चिना देखाउनु होला ।

मिथुन राशीवालाहरुलाई यो वर्ष भाग्यले साथ दिनेछ । रोकिएका कार्यहरु बन्ने छन् । बुद्धि विवेकको सही ठाउँमा प्रयोगले सामाजिक कार्यहरुमा सफलता प्राप्त हुनेछ । मान सम्मान तथा प्रतिष्ठामा बृद्धि हुनेछ, सन्तानहरुको प्रगति वा उनीहरुबाट सुख पाइने छ । कसै कसैलाई यो वर्ष विदेशबाट केही राम्रो अवसर प्राप्त हुने वा विदेशसँग कुनै न कुनै रुपले कनेक्शन हुने योग बनेको छ। परिवारसंग कतै घुमने योजनाहरु बन्नेछन । पुराना तीता मिठा गुनासाहरु हटेर सम्बन्धहरु राम्रो बन्नेछ । आर्थिक स्थिति सुधार भइ लाभको स्थिती बन्नेछ । नयाँ घर या सवारी साधन लिने योजना छ भने यो साल सपना पुरा हुनेछ। व्यापारिक तथा करियरको क्षेत्रमा राम्रो परिस्थिती बन्नेछ। अविवाहितहरुको हकमा प्रेम जीवन सुखद रहने छ । मनपरेको सँग कहिँ टाढा घुमन जान सक्ने सम्भावना बनेको छ। तर तेस्रो व्यक्तिको प्रवेशले तनावको वातावरण बनाउने भएकोले सावधान रहनु होला, विवाहित हरुले एक्ट्रा म्यारिटल अफेयर बाट बच्नु होला । सवारी साधन चलाउँदा भने यो वर्ष अलि सचेत रहनु पर्नेछ । चिना देखाएर शनी र राहूको अवस्था हेरि उपचार भने अवश्य गर्नुहोला ।

कर्कट राशी वालाहरुले अलि मेहनतै गर्नुपर्ने वर्ष छ । परिस्थितीको वन्धनमा जकडिनु पर्ने अवस्था आउने छ । केही खराब घटना र कान्डको कारणले नरमाइलो अवस्था आउन सक्छ । शारिरिक अस्वस्थता, रोगहरुले सताउने, यात्रामा कष्ट, आकष्मिक खर्च अथवा अचानक धन लगानीको सम्भावना बनिरहेको छ, तर व्यापार व्यवसायमा घाटा तथा आर्थिक विकट समस्याहरु आउने भएकोले सावधानी भने अपनाउनु पर्नेछ । कार्यक्षेत्रमा विदेश भ्रमणको योग छ । आफनै मेहनतले नयाँ कामको थालनी हुने अथवा केही नयाँ प्रोजेक्टहरु डिल हुने सम्भावना छ । जागिर खानेहरुले अफिसमा अनुसाशन र इमान्दारीता लाई पालना गर्नु भएको खन्डमा शुभ फल प्राप्त हुने निश्चित छ । कसै कसैको यो वर्ष नोकरी परिवर्तन पनि हुन सक्छ । पारिवारिक वातावरण उल्लासमय हुनेछ । कुनै धार्मिक अथवा मांगलिक कार्य सम्पन्न हुनेछ । युवा युवतिलाइ प्रेमको क्षेत्रमा उत्कृष्ट वर्ष सावित हुनेछ । नयाँ प्रेम सम्बन्धहरु हुने योग छ । विवाहित हरुलाइ भने शुरुमा मनमुटाव र असमझदारी बढे पनि पछि गएर सम्बन्ध सुमधुर हुनेछ ।

सिँह राशीहुनेहरुलाइ वर्ष शुभ रहने छ ,सुखदायक घटनाहरु घटने छन्, रोकिएका कार्यहरु बन्नेछन्, स्वास्थय स्थिती सुधार भइ शारिरिक कष्टबाट मुक्ति मिल्ने, आर्थिक स्थितीमा सुधार आउने, शत्रुहरु पनि झुकने अथवा उनीहरुले सहयोग गर्ने अवस्था बन्नेछ । जग्गा जमिन लिन खोज्नुहुनेहरु, फ्ल्याट किन्न खोज्नेहरु वा घरको सपना देख्नेहरुको लागि यो वर्ष सपना पूरा हुने सम्भावना बनेको छ । जमिनमा गरिएको लगानिले मनग्गै फाइदा दिनेछ , यो साल करियरको क्षेत्रमा सफलता प्राप्त हुने योग छ , कार्य व्यस्तता बढने छ, नयाँ अवसर पाउनु को साथै नयाँ मानिसहरुसँग सहकार्य गरिने छ । जागिरमा पदोन्नति, सरुवा वा तलब बृद्धि हुनेछ, वर्षको उत्तराद्र्धमा जागिर परिवर्तन वा स्थान परिवर्तनको पनि योग आउनेछ । पारिवारिक जीवन भने केही तनावपूर्ण रहन सक्छ । अविवाहित हरुलाइ विवाहको स्थिती बन्नेछ । प्रेम प्रकरणमा तथा स्त्रि भोग विलासमा सफलता पाइने, स्वास्थयको भने विशेष ख्याल राख्नु पर्नेछ । चिनामा राहुको दशा अन्तरदशा चलेको छ भने अपमान सहनु पर्ने, बसिरहेको ठाउँ छोडनु पर्ने, वादविवाद र झगडाहरु हुने, गरेका कामहरु असफल हुने, हृदयाघात, छातीजन्य रोगहरु लगायतका स्वास्थयमा समस्या आउने भएकोले एक चोटि चिना देखाउनु होला ।

मिश्रित खालको वर्ष रहने छ । यो वर्ष कार्य क्षेत्रमा चुनौतिलाइ सावधानीका साथ व्यवस्थापन गर्नु भएमा नयाँ उन्नतिको अवसर प्राप्त हुनेछ । मति भ्रम, बुद्धि विवेकले चाहिएको बेला उल्टो काम गर्ने, खर्चमा बृद्धि, सन्तानको बारेमा समस्या उत्पन्न हुने सम्भावना देखिएको छ । नयाँ व्यक्तिहरुसँगको सहकार्यले नयाँ प्रोजेक्टहरु शुरु हुने योग छ, आर्थिक स्थिति गत सालभन्दा राम्रो रहनेछ । वर्षको मध्यमा जग्गा जमीनमा गरिने लगानीले उत्तम प्रतिफल दिनेछ । व्यापारमा लाभ प्राप्त हुने र धेरै समयदेखि रोकिएको धन छ भने फिर्ता आउने योग छ, अनावश्यक खर्चलाइ भने नियन्त्रण राख्नु भएको खन्डमा वर्षको उत्तराद्र्ध अझ राम्रो हुनेछ , पारिवारिक तनाव चलिरहेको छ भने यो साल सम्बन्धहरु सुमधुर हुनेछन, दाम्पन्य जीवनमा भने विवाद लाइ स्थान नदिनु होला , वर्षको अन्त्य सम्ममा परिस्थती सुखद रहने छ । शनि र बृहस्पतिकै दशा अन्तरदशा चलेको छ भने चाँही विद्यार्थीहरुको विद्याअभ्यासमा मन नलाग्ने हुन सक्छ । मानसिक चिन्ता, शत्रु वृद्धि, आर्थिक खिँचातानी, व्यापारमा मन्दि, शारिरिक अस्वस्थता, पत्नीको स्वास्थ्यमा समस्या, कलह र कष्टकारक स्थितीहरु आइदिनु चाँही नकारात्मक पक्ष हुन् । तर चिना हेराएर ग्रहका दुषित उर्जालाई पक्कै पनि कम गर्न सकिन्छ ।

यो साल गत वर्षको भन्दा राम्रो रहने छ , अकस्मात धन वृद्धि तथा विदेश यात्रा हुने, पारिवारिक सुख शान्ति, आनन्द, भोग विलास प्राप्त हुने, व्यापारमा प्रगति, मित्रहरुले सहयोग गर्नेछन्, सन्ततिहरुबाट सुख पाइने छ । खासगरि वर्षको पुर्वाद्ध धन लाभको हिसाबले सुखप्रदायक रहने छ । आर्थिक पक्ष दरिलो हुने भएकोले खर्च पनि यो वर्ष ज्यादा हुन जानेछ । नयाँ सवारी साधन लिने सोच बनाउनु भएको छ भने यो साल सपना पुरा हुनेछ, शेयरमा गरिएको लगानिले यो वर्ष राम्रो प्रतिफल दिनेछ। निर्माणकार्य मा पैसा खर्च हुने योग छ । तर जग्गा जमीनमा लगानी गर्न सोच्नु भएको छ भने जानकारहरुको राय लिएर मात्र गर्नु होला, अरुको कुरा सुनेर व्यवसायमा लगानी गरिएको खन्डमा धोखा वा घाटा हुन जानेछ, कर्मक्षेत्रमा सुखद समाचार आउने तथा विदेश भ्रमणको योग पनि बनेको छ । वर्षको अन्त्यसम्ममा कार्य क्षेत्रमा परिवर्तनको सम्भावना देखिएको छ । पारिवारिक वातावरण यो वर्ष उत्तम रहनेछ । आफनो मन परेको सँग कतै घुमने योजना बन्ने निश्चित छ । पुराना साथीहरुसँग भेटघाट भइ सम्झना ताजा हुनेछ । स्वास्थ्यको हकमा योग र व्यायाम लाई ध्यान दिनु भएको खन्डमा गम्भीर समस्याबाट बच्न सक्नुहुनेछ। यदि तँपाइको चिनामा शनि र राहु जन्मदै अशुभ अवस्थामा छ भने मात्र केही समस्याहरु उत्पन्न हुनेछन् , जस्तै जग्गा जमिन लगायत अचल सम्पत्ति सम्पत्ति समस्या, गरेका कार्यहरु असफल भइदिने, नोकरी परिवर्तन, विदेश बसाइमा समस्या, शारिरिक कष्ट शोक र पीडा, अत्यधिक खर्च, अपमानजनक प्रसंगहरु हुने, सरकारी निकायहरुबाट कष्ट वा झमेला आइदिने आदि हुन । तर पनि योग्य ज्योतिषीलाई चिना देखाएर ग्रहको प्रतिकुलतालाई ९७ प्रतिशत सम्म कम गर्न वा ट्रान्सफर गर्न सकिन्छ ।

समय गत वर्षभन्दा राम्रो रहने छ । चिनामा शनि शुभ अवस्थामा छ भने सबै प्रकारको लाभ तथा सुख प्राप्त हुनेछ । हरेक काम चतुरयाईं पूर्ण गर्नुहुनेछ । आर्थिक पक्ष मजबुत रहने छ । यो वर्ष तँपाइलाइ सुखद कुराहरु हुन थाल्नेछ । जग्गा जमिनमा अथवा अन्य कुरामा गरिएका लगानीले तँपाइलाइ प्रतिफल दिन थाल्नेछ , कतैबाट आर्थिक मदत प्राप्त हुने, जग्गा जमिन अथवा पैतृक सम्पत्ति प्राप्त हुने पनि सम्भावना छ । नोकर चाकर, सवारी साधन, वाहन, घरपालुवा जनावरहरुको आगमन हुने वा उनीहरुबाट लाभ मिल्ने योग छ, शत्रुमाथि जित हासिल हुने, व्यापार व्यवसायमा लगानीको लागि उत्तम वर्ष छ । विदेशी प्रोजेक्ट वा नयाँ व्यवसायको लागि रिन लिनु पर्ने अवस्था आउन सक्छ तर जेठ पछि मात्र रिन लिनु होला । जागिरमा खानेहरुले यो वर्ष सावधान हुनुपर्नेछ नत्र जागिर छोडनु पर्ने अवस्था आउन सकछ। विदेश बसाइबाट फाइदा हुने अथवा विदेशसँग सम्बन्धित कार्यहरुबाट आर्थिक लाभ मिल्ने छ । पारिवारिक तथा वैवाहिक जीवन भने सामान्य रहने छ । नाता कुटुम्बसँग सम्बन्ध खराब हुने सम्भावना प्रबल छ । स्वास्थ्य स्थिती बिग्रने सम्भावना छ । पित्त वा वायुदोषको कारणले कष्ट पाइने छ । साथै यो वर्ष चोटपटक तथा दुर्घटनाको सम्भावना भएकोले सावधानी अपनाउनु होला । घरमा कुनै धार्मिक तथा मांगलिक कार्य सम्पन्न हुने सम्भावना छ । कसै कसैलाई ग्रह गोचरले आफनो हक भोग भन्दा बाहिरको चल अचल सम्पत्ति लिने योग बनाए पनि नलिएमा राम्रो । त्यसको दुरगामी नकारात्मक असर भविष्यमा सन्तान लाई पर्न जाने निश्चित छ ।

धनु राशीहुने हरुले यो वर्ष निकै संघर्षपूर्ण रहनेछ, कठोर मेहनत पश्चात् मात्र लाभ मिल्नेछ, परिवारमा अचानक खर्च वृद्धि हुनाले तनावको वातावरण ल्याउनेछ, कार्य नाश, स्थानान्तरण, बसाइ सराइ, शारिरिक अस्वस्थता र विध्न बाधाहरुले किंकर्तव्यविमुढ बनाउने छ। यो वर्ष आय आम्दानीको स्रोत साधन तँपाइको हातबाट फुस्किन सक्छ , सचेत रहनु होला । खाइ पाइ आइरहेको पद तथा नोकारीमा हानी को योग बनेको छ, नोकरी वा जागीर छुटने अवस्था पनि आउन सक्छ, तँपाइको लगनशीलता र मेहनतले मात्र व्यापार व्यवसायमा लाभ मिल्नुको साथै आम्दानीमा वृद्धि हुनेछ। वर्षको अन्त्यमा अचानक धन लाभ हुनेछ, सरकारी जागीर खान खोज्नेहरुलाइ भने यो वर्ष उत्तम रहने छ । पारिवारिक झमेला र विवादलाइ छलफलबाट समाधान गर्नतिर लाग्नु भएको खन्डमा बुद्धिमानी हुनेछ। कसै कसैलाइ विदेश भ्रमण हुने योग पनि बनेको छ, यदि अविवाहित हुनुहुन्छ र विवाह योग्य उमेर भएको छ भने यो साल विवाह हुने सम्भावना देखिएको छ , स्वास्थ्य यो वर्ष राम्रो रहनेछ , कुनै रोग व्याधिबाट मुक्ति मिल्ने योग छ । पत्निलाई भने मृत्यु तुल्य पिडा हुने सम्भावना छ । साना साना अफिसियल यात्राहरुबाट सकेसम्म यो साल बच्नु होला, तर तँपाइको चिनामा राहू शुभ अवस्थामा छ भने परिस्थती अत्यन्त सुखद हुनेछ । सबै प्रकारले लाभ मिल्नेछ ।

वर्ष मिश्रीत फल दिने खालको रहनेछ । शनि जन्मकुन्डलीमा कस्तो छ त्यसले धेरै कुरा निर्धारण गर्नेछ । अशुभ छ भने आर्थिक उतार चढावले भरिपूर्ण वर्ष रहने छ, अनावश्यक खर्च वा लगानी हुने, पैतृक सम्पत्तिसम्बन्धि विवाद उठने, आर्थिक स्थिती चौपट पार्ने सम्मको अवस्था आउने छ । कडा मेहनत पछि मात्र तँपाइलाइ धन लाभको योग छ , पारिवारिक वातावरण अशान्त बन्ने। शारिरिक शिथिलता हुनुको साथै स्वास्थ्यमा समस्या आउने, आगो वा विषालु चीजबाट कष्ट पाइने । कुटुम्ब तथा आफन्त हरुबाट टाढिने अवस्था आउने सम्भावना छ । हाल बसेको स्थान परिवर्तन हुुन सक्छ ।वर्षको पूर्वाद्धमा शेयर बजारमा ठूलो लगानी नगर्नुहोला, यो वर्ष रिन लिनु पर्ने अवस्था पनि आउन सक्छ, तर नोकरी तथा व्यापारको क्षेत्रमा वर्षको उत्तराद्र्ध राम्रो रहनेछ, वर्षको शुरुका केही महिना पछि आर्थिक स्थितीमा सुधार आउनेछ । पारिवारिक जीवन सुखद रहनेछ, घरमा खुशीको वातावरण आउने संकेत छ । घरमा कुनै नयाँ सदस्य वा मित्रको आगमनले मन प्रफुल्लित बनाउने छ। आमोद प्रमोद, रमाइलो जमघट अथवा मांगलिक कार्य सम्पन्न हुनेछ । मित्रहरुसँग यो वर्ष घुमफिरको योजना बन्ने योग छ, वैवाहिक जीवन पूर्वाद्धमा कष्टकर रहेपनि उत्तराद्र्धमा सुखद हुन पुग्नेछ । अकस्मात धन लाभको योग बन्नुको साथै सन्तान कन्सिभ हुने योग पनि बन्न सक्छ । स्वास्थ्यको हकमा खानपान जन्य समस्या आउनेछ । सन्तानको विशेष ख्याल गर्दै उनीहरुको चिना भने देखाउनु होला ।

वर्ष अनुकुल रहने छैन । चिना देखाएर ग्रह गोचरको उपाय गर्नुहोला । आर्थिक संकट, व्यर्थको कष्ट, रोग, मानसिक अशान्ति, शारिरिक पिडा, वादविवाद, पदको अवनति वा पद छोडनु पर्ने, स्थान परिवर्तन, आम्दानीका स्रोतहरु घटन थाल्नु, आम्दानी कम खर्च बढी हुन थाल्नु । सन्तानलाई कष्ट, नजिककासँग अथवा प्रतिष्ठित व्यक्तिहरुसँग मतभेद जस्ता अशोभनिय फल प्राप्त हुने छन् । ग्रहहरुले यो वर्ष असयोग गर्नेछन् जतिसुकै बुद्धि विवेक प्रयोग गरे पनि काम लाग्दैन । अत्यधिक मेहनत बढी गरेमा मात्र सफल भइने छ । पूजा पाठ, धर्मकर्ममा र दानमा विश्वास गर्नै पर्नेछ । शुभ कर्ममा विश्वास गर्नेहरुलाई मात्र शनिले साथ दिनेछ । कसै कसैलाई मान सम्मान र आम्दानीमा बृद्धि, व्यवसायमा लाभ, पैतृक सम्पत्तिको प्राप्ति, नोकरीमा परिवर्तन वा चिताएको हुने सम्भावना छ, नयाँ काम शुरु हुने योग बनेको छ, पुरानो लेनदेनले लाभको स्थिती बनाउनेछ, सरकारी जागिरको योग बनेको छ प्रयास गर्नुहोला, धार्मिक कार्यको लागि खर्च हुनेछ, वैवाहिक जीवनमा एक्स्टा्र म्यारिटल रिलेशनको सम्भावना भएकोले जोगिनु पर्नेछ, स्वास्थ्यको विशेष ख्याल राखनुहोला, कुनै पुरानो रोग बल्झिन सक्छ ।

मीन राशीवालाहरुलाई वर्ष अत्यन्तै शुभ रहनेछ । अकस्मात र आशा गरे भन्दा बढी लाभ प्राप्त हुनेछ । राज्यकृपा र मित्रहरुको सहयोग पाइनेछ । लगानीलाइ यो वर्ष उत्तम छ । भविष्यका केही राम्रा योजनाहरुमा लगानी हुने योग छ । शेयरबजार तथा जग्गा जमिनका गरिएका लगानिले राम्रो प्रतिफल दिनेछ, आर्थिक पक्ष भने उतारचढाव पूर्ण रहने छ, खर्चहरु कम गर्नु भएको खन्डमा धन संग्रह हुने योग छ, जागिरको सिलसिलामा विदेश भ्रमण हुनुको साथै नोकरीमा पदोन्नति हुने योग छ, बेरोजगारहरुलाई उत्तम परिणाम प्राप्त हुनेछ, मातापिताको स्वास्थय स्थिति ख्याल राख्नुहोला, वर्षको उत्तराद्र्धमा कतै घुमन जाने योजना बन्नेछ, वैवाहिक सम्बन्ध सुमधुर हुनेछ, कसैकसैलाई विदेश यात्रा हुने योग छ, वाहन तीव्रगतिमा चलाएको खन्डमा दुर्घटना हुने संकेत देखिएको छ, स्वास्थय प्रति विशेष सतर्क रहनु पर्नेछ,अचानक पेटसम्बन्धि समस्याले सताउन सक्छ । कुनै अशुभ घटनाको कारणले मन अशान्त रहनेछ । अशुभ वृहस्पतिले अधिक खर्च, मानसिक अशान्ति, अपयश, घाटा र स्वास्थयमा समस्या ल्याएपनि शनि र राहूको भ्रमणले यो वर्ष तँपाइलाई लाभकारी परिणाम दिनेछ । किर्ती, वैभव, मान सम्मान, आर्थिक स्थितीमा सुधार, पारिवारिक सुख, व्यवसायमा प्रगति, महिलाको कारणले लाभ मिल्ने योग बनेको छ । फलाम, मेशीनरी पार्ट, सिमेंट, कोइला, निर्माण व्यवसाय, रोडा ढुंगा, जग्गा जमीन को व्यवसाय, वैदेशिक रोजगार, गैर सरकारी तथा राजनितिक क्षेत्र तथा कानून तथा न्याय सेवा क्षेत्रमा संलग्न हुने हरुलाई लाभदायक वर्षको रुपमा रहने छ ।

https://www.akhabarnepal.com