अखबार नेपाल ट्रेन्डिङ

काठमाडौं:  पर्वतको कुश्मामा निर्माण भएको बन्जी र स्वीङ कार्तिक १५ बाट सञ्चालनमा आउने भएको छ । द क्लिफ प्रालिले कार्तिक १५ देखि आफ्ना गतिविधि सन्चलनमा ल्याउने घोषणा गरेको हो ।

२०७३ सालदेखि पुलको निर्माण सुरु गरिएको थियो । पुल संगै रिसोर्टको निर्माण २०७६ अन्तिममा सकिए पनि लकडाउनले गर्दा सन्चालनमा आउन ढिलाई भएको कम्पनीले जनाएको छ ।

पर्वतको सदरमुकाम कुश्मा र बाग्लुङको बलेवा जोड्ने पुल बनाएर बन्जी, स्वीङ र स्काइ साइक्लीङ लगायत सहासिक खेल सन्चालनको तयारी अवस्थामा रहेको  छ । कालीगण्डकी नदिको ठिक माथी बन्जी र स्वीङको लागि जम्प गर्ने प्लाटफर्मको निर्माण गरिएको छ। खोला देखि पुलको उचाई २२८ मिटर अर्थात ७४८ फिट रहेको छ ।

हाल विश्वकै अग्लो बन्जी मकाउमा ७६४ फिट उचाईमा रहेको छ । स्वीट्जरल्याण्डको भरजस्का बाँध माथि ७२० फिट उचाइमा रहेको बन्जिलाई पछि पार्दै कुश्मामा निर्माण भएको बन्जीलाई बिश्वकै दोस्रो अग्लो बन्जिका रुपमा परिचित गर्ने तयारी रहेको कम्पनीले जनाएको छ ।