अखबार नेपाल ट्रेन्डिङ

वीरगञ्ज : वीरगन्जमा आफ्नै बाबुको साथीबाट एक ११ वर्षीय बालिका बलात्कृत भएकी छिन ।

वीरगञ्ज महानगरपालिका–१ छपकैयाकी ११ वर्षीया बालिकालाई बुबाकै साथी नेहाल मियाँले बलात्कार गरेका हुन ।

उनलाई प्रहरीले पक्राउ गरेको छ । उनी भारतीय नागरिक रहेको प्रहरीले जनाएको छ ।

मियाँविरुद्ध आइतबार पर्सा जिल्ला अदालतमा जबरजस्ती करणी मुद्दामा म्याद थप गर्ने तयारी भईरहेको र अनुसन्धानबाट बलात्कार भएको पुष्टि भएको पनि प्रहरीले जनाएको छ ।

बलात्कारको बारेमा बालिका चिच्याएपछि उनका बुबाले थाहा पाएका थिए ।

घटनापछि फरार मियाँलाई प्रहरीले पक्राउ गरेर अनुसन्धान शुरु गरिसकेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक (डीएसपी) मनोजीत कुँवरले जानकारी दिएका छन् ।

बालिकाका बुवा र नेहाल साथी हुन् । कोठा खोज्न आएका उनी साथीको घरमा पाहुना भएर बसेका थिए ।

सोही क्रममा शनिबार बिहान बालिकालाई जबरजस्ती करणी गरेका थिए ।