प्राडा. गोविन्द केसीले १९ औँ अनसन २८ दिनमा तोडे
वि.सं.२०७७ असोज २५ आइतवार १४:३७
काठमाडौं: प्राडा गोविन्द केसीले १९औँ अनसन २८ दिनमा तोडेका छन् । सरकारसँगको आठ बुँदे सहमतिपछि आइतबार बिहान त्रिवि शिक्षण अस्पतालका सफाइ कर्मचारी विकास नेपालीको हातबाट जुस पिएर केसीले अनशन तोडेका हुन् ।
शनिबार राती सरकारी वार्ता समिति र डा. केसीबीच आठ बुँदे सहमति भएको थियो । शिक्षा,विज्ञान तथा प्रविधि मन्त्रालयका सचिव एवम् वार्ताटोलीका संयोजक गोपी मैनाली र डा. केसीले सहमतिमा हस्ताक्षर गर्नु भएको हो ।
डा.केसीले अनसन तोडेपछि उनको स्वास्थ्य अवस्था नाजुक भएकाले थप उपचारका लागि आइसीयूमा भर्ना गरिएको छ ।
यसैगरी कोरोना भाईरसको उचित व्यवस्थापनका लागि पीसीआर परीक्षण विस्तार गर्नुका साथै कोरोना तथा अन्य रोगको उपचारका लागि आवश्यकता अनुसार सरकारी अस्पतालको क्षमता विस्तार गर्ने सहमतिमा उल्लेख गरिएको छ ।
वि.सं.२०७७ असोज २५ आइतवार १४:३७