अखबार नेपाल ट्रेन्डिङ

काठमाडौ : गत असोज २० गते त्रिभुवन विश्वविद्यालय परिसरभित्रै प्राध्यापक प्रेमबहादुर चलाउनेमाथि विद्यार्थीहरुले रड प्रहार गरी घाइते भएका थिए ।

उक्त घटनालाई लिएर नेपाली कांग्रेसको भातृ संगठन नेपाल विद्यार्थी संघले घटनामा संलग्नमाथि कारबाहीको माग गरेको छ । आज नेविसंघले एक विद्यार्थीलाई कारबाही गर्न माग गरेको हो ।

विज्ञप्तीमा समाजशास्त्र केन्द्रीय विभागका उपप्राध्यापक प्रेमबहादुर चलाउनेमाथि विश्वविद्यालय परिसरभित्रै सांघातिक आक्रमण भएको घटनाको तत्काल छानविन गरी दोषी उपर कडा कारवाहीको गर्नुपर्ने उल्लेख छ ।

विज्ञप्तीमा घटनामा नेविसंघ संलग्न नरहेको कुरा समेत उल्लेख छ । अध्यक्ष राजिब ढुंगानाद्वारा जारी विज्ञप्तिमा नेविसंघलाई बदनाम गराउन यस्ता खालका आक्रमण भएको बताईएको छ ।

घाइते चलाउनेको उपचारको व्यवस्था मिलाउन नेविसंघले त्रिवि प्रशासनलाई आग्रह गरेको छ। घाइते चलाउने हाल मेडिसिटी अस्पतालमा उपचाररत रहेका छन् ।