कांग्रेस पार्टी कार्यालय पाँच दिनका लागि बन्द
वि.सं.२०७७ असोज १८ आइतवार १२:३६
काठमाडौं : नेपाली कांग्रेसका केन्द्रिय सदस्यहरुमा कोरोना देखिएपछि पार्टी कार्यालय पाँच दिनका लागि बन्द भएको छ ।
युवा नेता गगनकुमार थापा, अजुर्ननरसिंह केसी लगायत केन्द्रीय सदस्यहरुमा कोरोना पोजेटिभ देखिएपछि पार्टी कार्यालय बन्द गरेको हो । पार्टी केन्द्रीय कार्यालयका मुख्य सचिव कृष्णप्रसाद पौडेलले आइतवार एक सूचना जारी गरी असोज २२ गतेसम्म पार्टी कार्यालय बन्द गरिएको जनाएका छन् ।
पार्टी कार्यालय बन्द हुने भएपछि भोली बस्ने भनिएको केन्द्रीय समितिको बैठक प्रभावित भएको छ । यही असोज २५ गते केन्द्रीय समितिको मिटिङ बस्ने बताईएको छ ।
वि.सं.२०७७ असोज १८ आइतवार १२:३६