अखबार नेपाल ट्रेन्डिङ

काठमाडौं: काठमाडौं उपत्यकामा एकै दिन ६२ जनामा कोरोना संक्रमण पुष्टि भएको छ ।

देशभरका प्रयोगशालामा ७ हजार ६ सय ८७ नमुना परीक्षण गर्दा काठमाडौंका उपत्यकामा ६२ जनामा संक्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा जानकारी गराएको हो ।

मन्त्रालयका अनुसार काठमाडौंमा ४८, भक्तपुरमा १३ र ललितपुरमा १ जनामा कोरोना संक्रमण देखिएको हो । संक्रमितको ठेगाना भने खुलाइएको छैन । यो सहित देशभर २ सय ५९ जनामा कोरोना संक्रमण पुष्टि भएको छ ।

यससँगै देशभर कुल संक्रमितको संख्या २१ हजार ९ पुगेको छ । उनीहरु मध्ये ५८ जनाको मृत्यु भएको छ भने १५ हजार २० जना निको भएको स्वास्थ्य तथा जनसंख्या मन्त्रालयले जनाएको छ ।