अखबार नेपाल ट्रेन्डिङ

गर्मी मौसममा घाम, धुलो, पसिना र छालामा चिल्लोपनका कारण अनुहारको सबै सौन्दर्य हराएर जान्छ । अत्यधिक गर्मीले छालामा नराम्रो असर गर्छ । यसबाहेक घामको किरणका कारण छालामा टेनिङ र पिग्मेन्टेसनको समस्या पनि आउँछ । तर, छाला हेरचाह विशेषज्ञहरूले केही विशेष चीजहरूको बारेमा बताएका छन्, जुन सुत्नु अघि अनुहारमा लगाउनाले छालालाई स्वस्थ र चम्किलो राख्छ । राती सुत्नुअघि अनुहारमा लगाउने के-के चीजहरू हुन् ? जो छालाको चमक कायम राख्न मद्दत गर्छ र छालासँग सम्बन्धित समस्याहरू पनि टाढा राख्छ । सफा र चम्किलो छाला कायम राख्नका लागि यी पाँच चीज प्रयोग गर्न सकिन्छ ।

एलोवेरा जेलः

एलोभेरा जेल छालाको लागि धेरै लाभदायक सावित हुन्छ । विशेषगरी गर्मी मौसममा यसले छालालाई राम्रोसँग मोइस्चराइज गर्छ । एलोवेरा जेलले छालालाई शीतलता प्रदान गर्दछ र घामको टेनिङ र घामको क्षतिबाट राहत प्रदान गर्दछ । राति अनुहार राम्ररी धोएपछि अनुहार सुकाउनुहोस् । यसपछि एलोभेरा जेलले अनुहारमा केही समय मसाज गर्नुहोस् र त्यसपछि सुत्नुहोस्। बिहानै तपाईँको छाला हाइड्रेटेड र चम्किलो देखिनेछ ।

टी ट्री आयलः

टी ट्री आयल छालालाई पोषण दिन्छ र छालाको धेरै समस्याहरू पनि हटाउँछ । यसले छालालाई मोइस्चराइज गर्छ र यसको साथसाथै अनुहारमा पिम्पल, दाग, जलन, घामको ट्यानिङ पनि हटाउँछ । यसको मद्दतले छालाको संक्रमणबाट पनि राहत मिल्छ । यसलाई नरिवलको तेलमा मिसाएर राती सुत्नुअघि अनुहारमा लगाउनु पर्छ । केही समय मसाज गरेपछि भिजेको कपासले अनुहार सफा गर्नुहोस् र सुत्नुहोस् ।

गुलाब जलः

घरमा गुलाब जल राख्नुपर्छ । यसलाई प्राकृतिक र उत्तम छाला हेरचाह भनिन्छ । गर्मीमा गुलाब जलले अनुहारको चमक कायम राख्छ र छालालाई प्राकृतिक रूपमा टोन गर्छ । जसले गर्दा छाला सफा र चम्किलो देखिन थाल्छ । राति सुत्नुअघि ग्लिसरीनमा गुलाब जल मिसाएर अनुहारमा लगाएर केही समय मसाज गर्नुहोस । बिहान फरक अनुभव प्राप्त गर्नु हुनेछ ।

नरिवल तेलः

नरिवलको तेललाई आयुर्वेदमा छालाको लागि बरदान भनिएको छ । यसले छालालाई प्राकृतिक रूपमा मोइस्चराइज गर्छ । यसले छालालाई आवश्यक पोषण प्रदान गर्छ । छालालाई हाइड्रेटेड राख्नुका साथै यसले छालासँग सम्बन्धित धेरै समस्याबाट पनि बचाउँछ । यसको मद्दतले छालाको टोन पनि हट्छ र छाला चम्किलो हुन थाल्छ । राति अनुहारमा मनतातो नरिवलको तेल लगाउनाले अनुहारमा चमक आउन थाल्छ ।

भिटामिन सी सीरमः

भिटामिन सी सीरमको मद्दतले छालामा कोलाजेन उत्पादन बढ्छ । यो सीरमले अनुहारलाई संक्रमणबाट बचाउँछ र छालालाई जवान राख्न मद्दत गर्छ । यसको मद्दतले छालालाई मोइस्चराइजेसन प्राप्त हुन्छ र रंग सफा हुन्छ। यसले दाग धब्बा कम गर्छ र छालालाई चम्किलो बनाउँछ ।